२०७८ श्रावण ८, शुक्रबार
July 23, 2021, Friday

रुकुम सोती घटनाविरुद्ध डोटीमा संघर्ष समिति गठन

डोटी- पश्चिम रुकुमको चौरजहारी गाउँपालिकाको सोतीमा घटेको घटनाविरुद्ध निरन्तर संघर्ष गर्न डोटीमा संघर्ष समिति गठन गरिएको छ । सोमबार सिलगढीमा आयोजित भेलाले अधिकारकर्मी अधिराज बिसिको संयोजकत्वमा २१ सदस्यीय संघर्ष समिति गठन गरिएको हो ।

नेपाल दलित संघ डोटीका पूर्व अध्यक्ष तथा नेपाली काँग्रसका महाधिवेसन प्रतिनिधि कुमारसिंह टेलरको संयोजकत्वमा ५ सदस्यीय सल्लाहकार समिति समेत गठन गरिएको छ । सल्लाहकार सदस्यमा खगेन्द्र टेलर, रविन्द्र टेलर, धर्मसिंह बिक चयन भएका छन् ।

संघर्ष समितिको सचिवमा कर्ण चुनारा, सदस्यमा लालबहादुर बिक, रोशन कोली, सन्तोश बिक, रमेश बेन्जामिन, रेखा बागचन लगायत रहेकाछन् ।

विगत देखि जिल्लामा हुँदै आएका संघर्षका कार्यक्रमलाई बलियो बनाउन, एकबद्ध भएर संघर्षमा लाग्न र पीडितले न्याय नपाउन्जेल सम्म आन्दोललाई निरन्तरता दिन संघर्ष समिति गठन गरिएको संयोजक बिसिले बताए ।

सोतीमा दलित भएकै कारण मानवता हराएको बर्बर घटनामा संलग्नलाई हदै सम्मको कारबाही गराउन र दलितको हक, अधिकार, समानता कायम गराउँदै नेपाली समाजबाट जातिय बिभेद हटाउन संघर्ष समिति गठन गरिएको सल्लाहकार समिति संयोजक टेलरले बताए । उनले जिल्लाका अधिकारकर्मी, दलित समुदाय, नागरिक समाजलाई एकढिक्का बनाएर संघर्षमा उत्रिने बताउदै सबैलाई मानबता हराएको घटमाका विरुद्ध लड्न र पीडितलाई न्याय दिलाउन साथदिन अनुरोध गरे ।

संघर्ष समितिले आजै बुधबार देखि विभिन्न संघर्षका कार्यक्रम गर्ने निर्णय गरेको छ ।

Related News

प्रेम आलेसहित ओली समूहका सांसदले दिए देउवालाई विश्वासको मत
प्रेम आलेसहित ओली समूहका सांसदले दिए देउवालाई विश्वासको मत
  • २०७७ जेष्ठ १९

काठमाडौं : नेकपा (एमाले) अध्यक्ष केपी ओली समूहका केही सांसदले कांग्रेस सभापति एवम् प्रधानमन्त्री शेरबहादुर देउवालाई विश्वासको मत दिएका छन्...

प्रधानमन्त्री देउवाले पाए विश्वासको मत, पक्षमा १६५ विपक्षमा ८३
प्रधानमन्त्री देउवाले पाए विश्वासको मत, पक्षमा १६५ विपक्षमा ८३
  • २०७७ जेष्ठ १९

काठमाडौं– प्रधानमन्त्री शेरबहादुर देउवाले संसद्मा विश्वासको मत पाएका छन्। प्रतिनिधिसभाको आइतबार बसेको दोस्रो बैठकमा देउवाले संसदमा रहेका कुल सांसद संख्याको १६५ मत...

प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
  • २०७७ जेष्ठ १९

काठमाडौं– जनता समाजवादी पार्टी (जसपां) नेपालका अध्यक्ष महन्थ ठाकुर पक्षले पनि विश्वासको मत दिने भएपछि प्रधानमन्त्री शेरबहादुर देउवाले विश्वासको मत...

TOP