कत्ति भरोसा छैन शहर बजार माथि ।
धेरै शंका छ तिनका ब्यवहार माथी ।।

भ्रष्ट कुबिचारीलाई महत्व दिएर
लगायौ प्रतिबन्ध सुबिचार माथी ।।

भ्रष्टाचारमा यसरी डुबेको छ कि ?
अब बिश्वास छैन अख्तियार माथी ।

आसा, निराशा बनाए मौसुफहरुले,
अपेक्षा धेरै थियो बालुवाटार माथी ।

पहिला देश लुटेर खाने सिंह थियो,
अचेल स्यालहरू, सिंहदरबार माथि ।

सुनलाई माया गर्नेहरू एकचोटी सुन
किन गर्छौ सधै अपमान सुनार माथी ।

लुगा सिलाउदै गर्दा, सियोले भन्यो,
हमला हुनसक्छ, सुचिकार माथी ।।