२०७८ माघ ३, सोमबार
January 17, 2022, Monday

सुदूरपश्चिमका जगतले जिते अन्तराष्ट्रिय कराँते प्रतियोगितामा रजत पदक

सुदूरपश्चिमका जगत धानुकले अन्तराष्ट्रिय कराँते प्रतियोगितमा रजत पदक जितेका छन् । फिलिपिन्समा भएको अन्तराष्ट्रिय अनलाईन प्रतियोगितामा नेपालको प्रतिनिधित्व गर्दै धानुकले रजत पदक प्राप्त गरेका हुन् । अक्टोबर ३० देखि नोभेम्बर १ गतेसम्म आयोजना गरिएको ७ औं नाशिमुरा कप अनलाई  कराँते च्याम्पीयनसिपमा उनले रजत पदक प्राप्त गरेका हुन् । १८ देखि २५ बर्षको उमेर समुहमा उनले रजत पाउँदा नेपालकै सुभाष घटनले स्वर्ण जितेका छन् । यो प्रतियोगितामा पदक पाउने उनी सुदूरपश्चिमका एक्ला खेलाडी हुन् । 

कराँते फिलिपिन्स लिगले आयोजना गरेको अनलाइन कराते च्याम्पीयनसीपमा नेपालले १६ स्वर्ण, १२ रजत र ७ कास्य पदक जितेको छ । नेपालका लागि रविन्द्र मानन्धर, सुभाष घटन, सुवास कार्की, मनीष कार्की, सत्कर घर्ती मागर, अनुभा मंग्रान्ती, सुबिता गौतम, गरिमा मगर, रोशमा राई, रिना श्रेष्ठ र सन्जु धेशरले स्वर्ण पदक जितेको कराँतेका अन्तर्राष्ट्रिय प्रशिक्षक र अन्तर्राष्ट्रिय निर्णायक  रवी शाहीले जानकारी दिए । उनका अनुसार जगत सिहं धनुक, सोनीम मानन्धर, न्यान्सी छेत्री, न्हुजः मान शाक्य, रुद्राक्ष देवकोटा र नीता आचार्यले रजत पदक जितेका छन् । जुलियाना मोक्तान, डिप्सन सापकोटा, हेरेन्जेन लामा, आरव देवकोटाले कास्य पदक जितेका छन् । प्रशिक्षक शाहीकी पहलमा जगतले सो प्रतियोगितामा सहभागीता जनाउन पाएका हुन् । 

अनलाईन च्याम्पियनसीपमा विभिन्न १६ देशहरु र दुई सय ३२ वटा एथलेटिकलहरुले भाग लिएका थिए । प्रतियोगितामा नेपाल, फिलिपिन्स, इरान, स्वीडेन, जापान, क्यानाडा, चिली, इटली,  मकायु, यूएई, ईजिप्ट, संयुक्त राज्य अमेरिका, इन्डोनेसिया, सिंगापुर, र हंगकंगका एथलेटिकलहरुले भाग लिएका थिए । एक महिना अघि मात्रै उनले अन्तर्राष्ट्रिय इकाता तेन्सिकाँन कराँते च्यम्पियनसिपमा रजत पदक जितेका थिए । तेन्सिकान सोतोकान कराँते संघ भारतको आयोजनामा भएको च्याम्पियनसिपमा धानुकले रजत पदक जितेका थिए । 

Related News

बैतडीमा जारी टि–१० क्रिकेटमा तीन खेल सम्पन्न
बैतडीमा जारी टि–१० क्रिकेटमा तीन खेल सम्पन्न
  • २०७७ कार्तिक १७

बैतडी – बैतडीको दशरथचन्द नगरपालिका–११ मा जारी टि–१० क्रिकेट प्रतियोगिताअन्तर्गत बिहीबार तीन खेल सम्पन्न भएका छन्। बगलेखान खेल मैदानमा भएको...

प्रधानमन्त्री कप क्रिकेटमा आज चार वटा खेल हुँदै
प्रधानमन्त्री कप क्रिकेटमा आज चार वटा खेल हुँदै
  • २०७७ कार्तिक १७

काठमाण्डाै – प्रधानमन्त्री कप टी–२० क्रिकेट प्रतियोगितामा आज चार वटा खेल हुँदैछन् । त्रिवि क्रिकेट मैदान कीर्तिपुरमा दुई र मुलपानी...

प्रधानमन्त्री कप आजदेखि, सुदूरपश्चिम सहित १० टिमको सहभागिता
प्रधानमन्त्री कप आजदेखि, सुदूरपश्चिम सहित १० टिमको सहभागिता
  • २०७७ कार्तिक १७

डोटी – प्रधानमन्त्री कप आज सोमबारदेखि सुरु हुँदैछ । राष्ट्रिय खेलकुद परिषद् (राखेप) को आर्थिक सहयोगमा नेपाल क्रिकेट संघ (क्यान)...

TOP