२०७८ श्रावण ८, शुक्रबार
July 23, 2021, Friday

पानडामिक भर्चुअल खेलमा नेपाललाई ४ स्वर्णसहित ७ पदक

काठमाडौं– अन्तर्राष्ट्रिय पानडामिक भर्चुअल गेम्समा नेपाली उमा कुङफू खेलाडीले चार स्वर्णसहित ७ पदक जितेका छन्। अनलाइन प्रतिस्पर्धामा ४ स्वर्णसहित २ रजत र १ कांस्य नेपाली खेलाडीले जितेको नेपाल उमा कुङफु संघका अध्यक्ष सिद्धार्थ लामा तामाङले बताएका छन्।

कमल मगर र सञ्जयराज पुटुवारले नेपाललाई दोहोरो पदक दिलाए। पुरुष ताइचीको सफ्ट स्टायलमा कमलले स्वर्ण जिते भने नन ट्रेडिसनल वेपनमा काश्य हात पारे। सञ्जयले सफ्ट स्टायल तथा ट्रेडिसनल वेपन दुवै विधामा रजत प्राप्त गरे।

महिला ताइचीको सफ्ट स्टायलमा मुन्नी सुवेदी लामा तामाङले स्वर्ण जित्न सफल भइन्। महिला ताइचीमा जमुना गुरुङ तथा पुरुष फम्स विथ म्युजिकमा सुदीप श्रेष्ठले स्वर्ण जिते।

वल्र्ड मार्सल आर्ट्स कमिटी (डब्लुएमएसी)को आयोजना सम्पन्न प्रतियोगिता अस्ट्रियाको ब्रिगेन्जमा मे २८ देखि ३० तारिखसम्म भएको थियो। प्रतियोगितामा विभिन्न चार महादेशबाट १४ राष्ट्रका २३३ खेलाडी सहभागी भएका थिए।

नेपालबाट ५ खेलाडीले प्रतिस्पर्धा गरेकोमा सबैले पदक जित्न सफल भएका हुन्। खेलाडीले आफूले सहभागिता जनाउने स्पर्धाको १ देखि ३ मिनेट सम्मको भिडियो(श्रब्यदृष्य) डब्लुएमएसीमा पठाउनु पर्ने थियो। एक स्पर्धाका लागि खेलाडीले १५ युरो दर्ता शुल्क तोकिएको थियो। एकभन्दा बढी स्पर्धामा भाग लिनु पर्ने भए अत्तिरिक्त ५ युरो तिर्नु पर्ने थियो।

डब्लुएमएसीले कोरोना भाइरस(कोभिड– १९)का कारण आफ्नो सम्पूर्ण वार्षिक प्रतियोगिता स्थगित गर्नु परेपछि भर्चुअल प्रतियोगिता आयोजना गरेको अध्यक्ष लामाले जानकारी दिए।

Related News

युरोकप: स्विडेनकाे पहिलाे जित
युरोकप: स्विडेनकाे पहिलाे जित
  • २०७७ जेष्ठ २०

काठमाडौं- स्विडेनले १६ औं संस्करणको युरोकप फुटबलमा पहिलो जित हासिल गरेको छ । समूह चरणको दोस्रो खेलमा शुक्रबार स्लोभाकियालाई १–०...

केआईसिंह गाउँपालिकामा जिल्ला स्तरीय अध्यक्ष कप भलिबल प्रतियोगिता हुने
केआईसिंह गाउँपालिकामा जिल्ला स्तरीय अध्यक्ष कप भलिबल प्रतियोगिता हुने
  • २०७७ जेष्ठ २०

प्रथम पुरस्कार राशि एक लाख एक हजार एक सय ११ रुपैयाँ डोटी- केआईसिंह गाउँपालिकामा जिल्ला स्तरीय अध्यक्ष कप भलिबल प्रतियोगिता...

डोटीमा आयोजित खुल्ला भलिबल प्रतियोगिता सम्पन्न : एलवाइसि विजयी (भिडियो सहित)
डोटीमा आयोजित खुल्ला भलिबल प्रतियोगिता सम्पन्न : एलवाइसि विजयी (भिडियो सहित)
  • २०७७ जेष्ठ २०

डोटी- डोटीमा आयोजित खुल्ला पुरुष भलिबल प्रतियोगिता सम्पन्न भएको छ । पुष २६ गते सुरु भएको उक्त प्रतियोगिता बिहीबार सम्पन्न...

TOP