सेती नदीमा नुहाउने क्रममा डोटीमा एक जनाको मृत्यु

सेती नदीमा नुहाउने क्रममा डोटीमा एक जनाको मृत्यु

डोटी – डोटीको सेती नदीमा नुहाउने क्रममा बगेर एक जनाको मृत्यु भएको छ।

दीपायल सिलगढी नगरपालिका–३ स्थित झोलुङ्गे पुल नजिक सेती नदीमा बिहीबार नुहाउने क्रममा बगेर सोही ठाउँका ५५ वर्षीय राम सूचीकारको मृत्यु भएको जिल्ला प्रहरी कार्यालय डोटीले जनाएको छ।

प्रहरीका अनुसार नदीले बगाएका सूचीकारको शव बिहीबार नै दीपायल सिलगढी नगरपालिका–५ स्थित घाटमा फेला परेको हो।

घटनाबारे प्रहरीले आवश्यक अनुसन्धान गरिरहेको जनाएको छ।