कैलालीका सीमा नाकामा सतर्कता बढाउने दुई देशबीच सहमती

 कोरोना भाईरसको संक्रमण रोकथामका लागि कैलालीसंग जोडिएका सीमानाकामा सतर्कता बढाउने दुई देशबीच सहमती भएको छ। कैलाली र भारतको उत्तरप्रदेशस्थित लखिमपुर जिल्लाका अधिकारीविच भएको छलफलमा सो सहमती भएको हो। सो क्रममा कैलालीका प्रमुख जिल्ला अधिकारी यज्ञराज बोहरा र लखिमपुरका डिएम शैलेन्द्र कुमार सिंहले सीमा नाकामा स्थापना गरिएका हेल्थ डेस्कको समेत निरिक्षण गरेका छन्।

• 

दुवै तर्फ सतर्कता बढाउने सहमती भएको बताउँदै कैलालीका प्रमुख जिल्ला अधिकारी यज्ञराज बोहराले भने, ‘गौरीफन्टा र खक्रौला नाकामा आवागमन जारी भएकोले स्वास्थ्य परिक्षणलाई अझै प्रभावकारी बनाउने सहमती भएको छ। भारतले सीमा क्षेत्रमा थप उपकरण समेत व्यवस्थापन गर्ने जनाएको छ।’ अहिले गौरीफन्टा र त्रिनगर नाकामा दुई देशका नागरिकको आवागमनमा कुनै अवरोध छैन्।