२०८३ असार १५, सोमबार
June 29, 2026, Monday
डोटी- नियमित औषधि सेवन गर्ने बिरामीहरुलाई निःशुल्क औषधि वितरण गरिएको छ । लकडाउनमा बिरामीलाई अस्पताल तथा स्वास्थ्य संस्थामा औषधि खरिद गर्न जान समस्या हुने भन्दै नेबिसंघका नेता दिपेन्द्र सिंहले बिरामीको घरघरमा गएर निःशुल्क औषधि उपलब्ध गराएका छन् ।
सिंहले मानसिक रोगी, मधुमेह, उच्च रक्तचापलगायत नियमित औषधि सेवनका गर्ने बिरामीहरुको घरमै गएर औषधि वितरण गरिएको बताए ।
सिंहले विभिन्न ब्यक्तिहरुबाट सहयोग संकलन गरेर अशक्त र औषधि किन्न बजारसम्म पुग्न नसक्नेलाई औषधि वितरण गरेका हुन् । उनले शनिबार शिखर नगरपालिकामा औषधि वितरण गरेका छन् ।
नगरपालिका संगको सहकार्यमा स्वास्थ्यकर्मीको सल्लाह बमोजिक औषधि बितरण गरिएको सिंहले शिखर समाचारलाई बताए ।
यस अघि उनले क्वारेण्टाइनमा बसेकाहरुलाई पुस्तक वितरण गरेका थिए भने विपन्न तथा मजुरका लागि राहत पनि संकलन गरेका छन् ।
ट्राफिक जरिवानासँगै राज्य पनि जवाफदेही हुनुपर्ने सांसद ज्ञानेन्द्र शाहीको माग...
