२०७९ जेष्ठ १५, आईतवार
May 29, 2022, Sunday

सुदूरपश्चिमको राजधानी बन्द : महेन्द्रनगर सुनसान

कोरोना संत्रासका कारण सुदूरपश्चिम प्रदेशको राजधानी कैलाली जिल्लाका मुख्य व्यापारिक केन्द्र धनगढी र अत्तरिया बन्द छन् । धनगढी र अत्तरिया बजारमा सोमबार देखि अत्यावश्यक बाहेकका सबै व्यवसाय बन्द गरिएका छन् ।

कैलाली उद्योग वाणिज्य संघले आह्वान गरेअनुसार सोमबार बिहानैदेखि अत्यावश्यक बाहेकका सबै व्यवसाय बन्द गरिएका छन् । संघले विश्व व्यापी महामारीका रुपमा फैलिएको कोरोना भाईरस (कोभिट–१९) को संक्रमण फैलिन नदिन अर्को सूचना जारी नभए सम्मका लागि व्यवसाय बन्द गर्ने निर्णय गरेको थियो । बजार बन्द गरिएपछि मानिसको आवातजावत घटेको छ ।

आईतबार बसेको सर्वपक्षीय बैठकको निर्णय अनुसार अत्तरियाका व्यवसायीहरुले पनि बजार बन्द गरेका छन् । कैलालीमा अतिआवश्यक सेवा मुलक खाद्यान्न, होटल, ग्यास र मेडिकलहरु भने सञ्चालनमै रहेका छन्।

महेन्द्रनगर बजार सुनसान

‘लकडाउन’ पछि कञ्चलपुर सदरमुकाम महेनद्र नगर सुनसान भएको छ । जिल्ला प्रशासन कार्यालयले आइतबार राती १२ बजेदेखि लागु हुनेगरी भीमदत नगरपालिका लकडाउन गरेपछि महेनद्रनगर बजार क्षेत्र सुनसान भएको हो ।

नगरपालिकामा दैनिक उपभोग्यका पसल, राहत उद्दार बाहेक यातायात, सम्पुर्ण बजार, पसल,ब्यवसाय, उद्योग र कलकारखाना बन्द गरिएको छ । महेनद्रनगरमा अतिआवश्यक बाहेक आवातजावत गरिरहेकाहरुलाई पनि प्रहरीले फकाईरहेको छ ।

गौरीफन्टा र गड्डाचौकी नाकाबाट १० बजे सम्म १८ सय जना भित्रिए

कैलालीको गौरीफण्टा गड्डाचौकी नाकाबाट सोमबार बिहान १० बजे सम्म १६ सय जना नेपाल भित्रिएका छन् । कोरोनाका कारण भारत लकडाउन हुँदा बेरोजगार बनेका नेपालीहरु नेपालीहरु स्वदेश फर्किएका हुन् ।

बैदेशीक रोजगारमा भारत गएका अधिकांश नेपालीहरु भारतमा व्यवसायहरु बन्द भएपछि बेरोजगार भयर नेपाल फर्किरहेका छन् भने केही मात्रामा कोरोनाको संत्रासले भारतमा असुरक्षा महशुस गरी स्वदेश फर्किरहेका छन् ।

नाकामा सञ्चालीत हेल्थ डेस्कका अनुसार कैलालीको गौरीफन्टा नाकाबाट बिहान ५ बजेदेखि १० बजे सम्म एक हजार पाँच सय जना भित्रिएका छन् । त्यस्तै कञ्चनपुरको गड्डाचौकी सीमा नाकाबाट तीन सय जना नेपाल प्रवेश गरेका छन् । उनीहरु सबैको स्वास्थ्य परिक्षण गरी पठाईएको छ ।

सरकारले आज बिहान १० बजे देखि सीमानाका बन्द गरेपछि सीमावर्ती बजार पुगेकाहरु भारततर्फ फर्किएकाछन् । सोमबार बाट सरकारले भारत र चीनसँग जोडिएका सबै सीमा नाका एक हप्ताका लागि बन्द गरेको छ ।

Related News

गणतन्त्र स्थापनाको १५ वर्ष – शान्ति प्रक्रियाका बाँकी कार्यभार ज्युँका त्युँ
गणतन्त्र स्थापनाको १५ वर्ष – शान्ति प्रक्रियाका बाँकी कार्यभार ज्युँका त्युँ
  • २०७६ चैत्र १०

काठमाडौं– सङ्घीय लोकतान्त्रिक गणतन्त्र स्थापना भएको आज १५ वर्ष भएको...

TOP