५० औँ वैवाहिक वर्षगाँठमा पूर्वराजारानीद्वारा धन्यवाद

काठमाडौँ– पूर्वराजा ज्ञानेन्द्र शाह तथा पूर्वरानी कोमल शाहले वैवाहिक वर्षगाँठको ५० औँ वार्षिकोत्सवका अवसरमा शुभकामना प्रदान गर्ने सबैलाई धन्यवाद व्यक्त गरेका छन् ।

बुधबार एक धन्यवाद सन्देश जारी गर्दै पूर्व राजा–रानीले शुभकामनाका मंगलकारी अभिव्यक्ति पोख्ने सबैलाई सद्भावपूर्वक धन्यवाद व्यक्त गर्न चाहेको उल्लेख गरेका छन् ।

पूर्वराजा–रानीले हिन्दु संस्कृतिको उच्चतम संस्कारका रुपमा मानिने विवाहपछिका ५० वर्ष आफूहरुले पूरा गरेको जनाएका छन् ।

दुई आत्माको सम्मिलन र प्रेम सम्बन्धको शुभअवसरका रुपमा रहेको विवाह संस्कार जीवन व्यवहारको सारसुत्र रहेको पनि सन्देशमा उल्लेख छ ।