सुदूरपश्चिममा थप एक जना कोरोना संक्रमितको मृत्यु : मृतकको कुल संख्या २५ पुग्यो

डोटी- सुदूरपश्चिममा थप एक जना कोरोना संक्रमितको मृत्यु भएको छ । धनगढी उपमहानगरपालिका वडा नम्बर २ का ४२ वर्षीय पुरुषको मृत्यु भएको हो ।

असोज १७ गते कोरोना पुष्टि भएका क्यान्सर पीडित पुरुषको आईतबार बिहान मृत्यु भएको धनगढी उपमहानगरपालिकाको स्वास्थ्य शाखाले पुष्टि गरेको छ ।

मृतकका आफन्तका अनुसार क्यान्सरका बिरामी समेत रहेका उनलाई उपचारका लागि चितवन मेडिकल कलेज लगिएको थियो । मेडिकल कलेजले उनलाई भर्ना लिन नमाने पछि धनगढी फिर्ता ल्याईएको थियो ।

योसँगै सुदूरपश्चिममा कोरोना संक्रमणका कारण मृत्यु हुनेको संख्या २५ पुगेको छ ।