२०७९ असार १७, शुक्रबार
July 1, 2022, Friday

डोटीमा ५९ नुमना परिक्षण गरिएकोमा ४५ जनामा कोरोना पुष्टि : संक्रमितको कुल संख्या ८९६ पुग्यो

डोटी- डोटीमा थप ४५ जनामा कोरोना संक्रमण पुष्टि भएको छ । जिल्ला अस्पताल डोटीको प्रयोगशालामा मंगलबार परिक्षण गरिएका ५९ नमुना मध्य ४५ जनामा कोरोना पुष्टि भएको छ भने १४ जनाको नतिजा नेगेटिभ आएको छ ।

स्वास्थ्य कार्यालय डोटीका अनुसार सबैभन्दा बढी शिखर नगरपालिकाका १५ महिला २४ पुरुषगरी ३९ जनामा कोरोना पुष्टि भएको हो । त्यस्तै केआईसिंह गाउँपालिकाका ४ जना पुरुष र दिपायल सिलगढी नगरपालिकाका एक पुरुष र एक महिला गरी दुई जनामा कोरोना पुष्टि भएको हो ।

यो सँगै जिल्लामा कोरोना संक्रमितको संख्या ८ सय ९६ पुगेको छ । हाल सम्म ७ सय ४५ जना डिस्चार्ज भएका छन् । संक्रमित सबैको स्वास्थ्य अवस्था सामान्य रहेको कोरोना फोकल पर्सन दिपेन्द्र मिश्रले शिखर समाचारलाई जानकारी दिए ।

डोटीमा अहिले सम्म ट्राभल हिष्ट्री नभएका ५ जना र एकजना बैंकका महिला कर्मचारी र तीन जना प्रहरीमा संक्रमण देखिएको थियो । ट्राभल हिष्ट्री नभएका ५ जना मध्य ३ जना शिखर नगरपालिकाका थिए भने दुई जना आदर्श गाउँपालिकाका थिए । उनिहरु सबै डिस्चार्ज भैसकेको स्वास्थ्य कार्यालयले जनाएको छ ।

Related News

सुदूरपश्चिम सरकारको बजेट विवाद : लगातार तेस्रो पटक प्रदेशसभा बैठक स्थगित
सुदूरपश्चिम सरकारको बजेट विवाद : लगातार तेस्रो पटक प्रदेशसभा बैठक स्थगित
  • २०७७ भाद्र ९

कैलाली- सुदूरपश्चिम प्रदेशसभा बैठक लगातार तेस्रोपटक स्थगित गरिएको छ ।...

TOP