शैलेश्वरी डोटी सार्वजनिक यातायात प्रालिको अध्यक्षमा माझी निर्वाचित 

 

दिपायल – शैलेश्वरी डोटी सार्वजनिक यातायात प्रालि, डोटीको अध्यक्षमा केपी माझी निर्विचित भएका छन् । प्रालिको छैंटौं अधिवेशनबाट माझीको नेतृत्वमा ११ सदस्यीय कार्यसमिति सर्वसम्मत निर्वाचित भएको हो ।

प्रालिको सदस्यहरू मान धामी, राजेन्द्र शाह, लोक बहादुर खड्का, श्याम खड्का, कृष्ण ओली, मिन भण्डारी, खेम पातली, केशव विष्ट, चक्र कार्की र हिक्मत बहादुर खड्का सर्वसम्मत निर्वाचित भएका छन् ।

शनिबार बसेको समितिको पहिलो बैठकले निर्वाचित सदस्यहरूमध्य मानबहादुर धामीलाई उपाध्यक्ष, लोक बहादुर खड्कालाई महासचिव तथा राजेन्द्र शाहलाई कोषाध्यक्षको जिम्मेवारी दिएको छ । अधिवेशनबाट निर्वाचित सदस्यहरु मध्यबाट प्रालिको बैठकले आन्तरिक सहमतिका आधारमा पदाधिकारीहरुको जिम्मेवारी बाँडफाँड गरेको निवर्तमान अध्यक्ष गणेश मलासीले बताए ।

२०६४ सालमा डोटीमा स्थापना भएको यो प्रालिले जिल्लाका ग्रामीण सडक तथा राष्ट्रिय राजमार्गमा यातायात सेवा प्रदान गर्दै आएको छ।

संस्थागत विकाससँगै गुणस्तरीय र सुरक्षित यातायात सेवा प्रदान गर्न विशेष जोड दिने नवनिर्वाचित अध्यक्ष माझीले बताए । उनले यात्रुको सुरक्षा र गुणस्तरीय यातायात सेवामा विशेष ध्यान दिँदै आगामी दिनमा प्रालिको सेवा थप प्रभावकारी बनाइने प्रतिबद्धता व्यक्त गरेका छन्।