मंगलबार साँझ कर्णाली राजमार्गमा भएको दुर्घटनामा ८ जना घाईतेलाई थप उपचारका लागि प्रादेशिक अस्पताल सुर्खेत लगिएको र ५ जना घाइतेको स्थानीय मेडिकलमा उपचार भइरहेको उनले बताए। घाईते मध्ये ३ जनाको अवस्था गम्भीर रहेको छ। दैलेख आठबिस नगरपालिका–४ का २५ वर्षीय रिदम शाही, अछामको ढकारी गाउँपालिका–१२ बस्ने ५० वर्षीया पार्वती शाही र सोही नगरपालिका–८ की ४ वर्षीया नेहा खड्काको अवस्था गम्भीर रहेको उनले जानकारी दिए।

गाडीका चालक बिमल दमाई फरार रहेको र खोजी कार्य भइरहेको बताइएको छ । दैलेख प्रहरीले दुर्घटना बारे थप अनुसन्धान पनि गरिरहेको छ ।