बोगटान फुड्सिल गाउँपालिका र वडा नम्बर २ को मुख्य प्रायोजन तथा अन्य ६ ओटा वडाको प्रायोजन र बोगटान युवा सञ्जालको आयोजनामा प्रतियोगिता सञ्चालन हुन लागेको छ । दसैँ तथा दीपावलीको अवसरमा वडा नम्बर ६ गगुडामा प्रतियोगिता सञ्चालन हुन लागेको युवा सञ्जालका महासचिव समीर केसीले बताए ।

आयोजकका अनुसार प्रतियोगिताका लागि असोज १८ र १९ गते टिम दर्ता गर्न सकिनेछ । टिम दर्ता शुल्क ३ हजार पाँच सय रहेको छ । प्रतियोगिताको विजेताले नगद ५० हजार पुरस्कार पाउनेछ । द्वितीयले नगद ३० हजार, उत्कृष्ट खेलाडीले तीन हजार पाँच सय, उत्कृष्ट ब्याट्सम्यानले दुई हजार र उत्कृष्ट बलरले दुई हजार पाउनेछन् ।