२०८२ जेष्ठ ३०, शुक्रबार
June 13, 2025, Friday

१५ हजार तिरेर कोरोना परीक्षण गर्नुपर्ने भन्ने हल्ला मात्रै : मन्त्रालय

कोरोना परीक्षणका लागि अहिलेसम्म कुनै शुल्क नतोकिएको स्वास्थ्य तथा जनसंख्या मन्त्रालयले स्पष्ट पारेको छ।

सार्वजनिक स्वास्थ्य संस्थामा जोकसैले कोरोना परीक्षण गर्न पाउने निर्णय भए पनि त्यसको शुल्क भने नतोकिएको मन्त्रालयका प्रवक्ता डा. विकास देवकोटाले बताए ।

‘पीसीआर र आरडीटी दुवै परीक्षणका लागि कुनै शुल्क अहिलेसम्म तोकिएको छैन,’ उनले भने। शुल्क तिरेरै भए पनि आफैंले कोरोना परीक्षण गराउन चाहनेको संख्या बढेपछि सरकारले यस्तो निर्णय गरेको उनले बताए।

स्वास्थ्य तथा जनसंख्या मन्त्रालयले मंगलबार नीतिगत निर्णय गर्दै लक्षण नदेखिएका स्वदेशी तथा विदेशी नागरिकले तोकिएका सार्वजनिक स्वास्थ्य संस्थामा स्वेच्छाले सशुल्क आरडीटी र पीसीआर परीक्षण गर्न सक्ने निर्णय गरेको थियो।

कोरोनाको संक्रमण बढ्दै गएपछि सरकारले परीक्षणको दायरा बढाउन यस्तो निर्णय गरेको तर अहिले १५ हजार तिरेर परीक्षण गर्नुपर्ने भन्ने हल्ला चलेको मन्त्रालयका सहप्रवक्ता समिर अधिकारीले बताए।

सहप्रवक्ता अधिकारीले भने, ‘शुल्कको विषयमा एक–दुई दिनमै टुंगो लाग्छ। परीक्षणको शुल्क सबै स्वास्थ्य संस्थामा एउटै हुन्छ ।’

Related News

पत्रकार जोशी पहलमानसिंह स्वाँर स्मृति प्रादेशिक प्रतिभा सम्मानद्वारा सम्मानित  
पत्रकार जोशी पहलमानसिंह स्वाँर स्मृति प्रादेशिक प्रतिभा सम्मानद्वारा सम्मानित  
  • २०७७ जेष्ठ ७

धनगढी, जेठ २४ –सुदूरपश्चिम प्रज्ञा प्रतिष्ठानद्वारा आयोजित पहलमानसिंह स्वाँर नेपाल–भारत...

TOP