अतिक्रमित भूमि सहितको नेपालको नयाँ नक्सा स्वीकृत

सरकारले भारतद्वारा अतिक्रमित नेपाली भूमि समेटेर तयार पारेको नेपालको नयाँ नक्सा स्वीकृत गरेको छ।

मन्त्रिपरिषद्को केहीबेर अघि सम्पन्न बैठकले लिपुलेक, लिम्पियाधुरा र कालापानी समेटिएको नक्सा पारित गरेको हो।

बैठकमा भूमि व्यवस्थामन्त्री पद्मा अर्यालले नयाँ नक्सा पारितका लागि पेस गरेकी थिइन्। अब अतिक्रमित नेपाली भूमि नेपालको नक्सामा समेटिएको सरकारका एक मन्त्रीले बताएका छन्।