सुदूरपश्चिम पृतना मुख्यालय दिपायलबाट कैलाली सर्यो

कार्यालय सर्ने कुरा भ्रम हो भन्ने मुख्यमन्त्री मौन

डोटी सुदूरपश्चिम पृतना मुख्यालय राजपुर दिपायलबाट कैलालीको तेघरीमा सरेको छ । स्थापना भएको १७ वर्षमा सुदूरपश्चिम पृतना सोमबार दिपायलबाट सरेको हो ।

वि.स. २०६० सालमा डोटी जिल्लाको राजपुरमा स्थापना भएको मुख्यालय तेघरीमा सरेको छ । सेजनाको मुख्यालय साविकको सुदूरपश्चिम विकास क्षेत्रको क्षेत्रीय सदरमुकाम राजपुर डोटीमा अवस्थित थियो ।

संघीय गणतन्त्र स्थापना भएपछि सुदूरपश्चिम प्रदेशको राजधानी कैलाली स्थापना गरिएपछि सेनाको पृतना पनि कैलाली सारिएको सुदूरपश्चिम पृतना मुख्यालयले जनाएको छ । राजपुरबाट मुख्यालय सारिए सँगै कैलालीमा रहेको श्री नं ५ बाहिनी अड्डा र बाहिनी मातहतका सम्पूर्ण युनिट दिपायल राजपुर आउने तयारी भैरहेको छ ।

सुदूरपश्चिम प्रदेशका मुख्यमन्त्री त्रिलोचन भट्टले साविकको क्षेत्रिय सदरमुकाम रहेको डोटीबाट कुनै पनि तत्कालिन क्षेत्रिय कार्यालयहरु नसारिने बताएका थिए । मुख्यमन्त्री भट्टले सबै कार्यालयहरु प्रदेश सरकार अन्तरगत आउने भएकाले कार्यालय सारिने कुरा भ्रम रहेको बताउँदै आएका थिए ।

क्षेत्रिय कार्यालय तथा ठुला योजनाहरु प्रदेश सरकार अन्तरगत आउने भएकाले सरकारी सम्पतीको दुरुपयोग नहुने त्यसको उचित उपयोग हुने बताएका मुख्यमन्त्री भट्ट कार्यालय सरेको बारे बेखबर बन्दै आएका छन् ।

भट्ट मुख्यमन्त्री भैसकेपछि डोटीमा रहेका धेरैजसो कार्यालयहरु कैलाली सारिएका छन् भने कतिपए कार्यालयहरु कैलालीमा भाडाको घरमा संचालन हुँदै आएका छन् । पछिल्लो समय कार्यालय सारिएको कुरामा मुख्यमन्त्री मौन छन् ।

मुख्यमन्त्री भैसकेपछि पहिलो पटक डोटी आउँदा मुख्यमन्त्री भट्टले बोलेको भिडियो