२०७८ असार ८, मंगलवार
June 22, 2021, Tuesday

मनोकामना पूरा गर्ने सालमुनिमा दलित पुजारी

डोटी- दलित समुदायलाई २०६२ सालमा शैलेश्वरी मन्दिरमा प्रवेश निषेध गरेको घटना अधिकारवादीले बिर्सिएका छैनन् । मानव अधिकार र दलितमाथिको थिचोमिचोबारे बहस चलाउँदा उनीहरू शैलेश्वरीको घटना दोहोर्‍याइरहन्छन् ।

डोटीमै एउटा यस्तो मन्दिर छ, जहाँ शैलेश्वरीको भन्दा भिन्नै दृश्य देख्न पाइन्छ । शिखर नगरपालिका ३, मुडेगाउँमा रहेको सालमुनी मन्दिरमा पुजारी नै दलित छन् । यहाँ दैनिक सयौं भक्तजन आउँछन् । पुजारीबाट टीका, प्रसाद र आशीर्वाद थापेर फर्किन्छन् । मनोकामना पूरा भएका भक्तजन सालमुनी देवतालाई बलि चढाएर खुसी पार्न तँछाडमछाड गर्छन् ।

स्थानीय दास (बादी) परिवारका पुरुषहरूले यहाँ वर्षौंदेखि पुजारीको काम गर्दै आएका छन् । अलाड भन्ने क्षेत्रबाट सेती नदीमा सालमुनी देवता बग्दै आइरहेका बेला छोपेर मुडेगाउँको कालागाढमा प्रतिस्थापन गरेकाले मन्दिरमा आफूहरूको हकभोग रहेको पुजारी भीम दासले बताए । पुर्खौंदेखि दास परिवारले मन्दिरमा धूप–आराधना गर्दै महिमा जोगाएको उनले बताए ।

बिहानै आएर मन्दिरको सरसफाइ, धूप, पूजा तथा भक्तजनलाई टीका, प्रसाद दिन दास जातिका पुजारी खटिन्छन् । पुजारी कम्तीमा ५ जनाभन्दा माथि हुन्छन् । अन्य मन्दिर जस्तो मुख्य पुजारी हुँदैनन् । जसको हातमा जे काम आउँछ, समझदारीमा गर्ने गरिएको तेज दासले बताए । दिनभरि चढाइएका भेटी, नगद र बलि दिइएका बोकाका टाउका उनीहरू बेलुकी बाँडेर घर लैजान्छन् ।

दलितमाथि अन्यत्र गरिने दुर्व्यवहार सालमुनीमा छैन । ‘दलित/गैरदलित भन्ने रुढिवादी सोच मात्र रहेछ,’ बोगटानबाट सालमुनीमा बलि दिन आएका टेकबहादुर चन्दले भने ।



Related News

असार मसान्तकै बीच पूर्वीचौकी गाउँपालिकामा ताला
असार मसान्तकै बीच पूर्वीचौकी गाउँपालिकामा ताला
  • २०७७ असार २२

डोटी – असार मसान्तकै बीच पूर्वीचौकी गाउँपालिकामा ताला लगाइएको छ । गाउँपालिकाका अध्यक्षले खेलकुद बजेट आफू निकटका व्यक्तिलाई दिएको आरोप...

२१ मन्त्री जिम्मेवारीमुक्त गर्न सर्वोच्चको आदेश
२१ मन्त्री जिम्मेवारीमुक्त गर्न सर्वोच्चको आदेश
  • २०७७ असार २२

काठमाडौं– सर्वोच्च अदालतले मन्त्रिपरिषद् विस्तारको निर्णय तत्काल कार्यान्वयन नगर्न अन्तरिम आदेश गरेको छ। योसँगै २१ जना मन्त्री जिम्मेवारीमुक्त भएका छन्। ...

सेती नदीमा देखिएको शव निकाल्न नसक्दा पुनः बेपत्ता
सेती नदीमा देखिएको शव निकाल्न नसक्दा पुनः बेपत्ता
  • २०७७ असार २२

डोटी – डोटीस्थित सेती नदीमा देखिएको शव निकाल्न नसक्दा पुनः बगेर बेपत्ता भएको छ । आइतबार दिउँसो शिखर नगरपालिका–६ अणिउलस्थित...

TOP