२०७७ मंसिर १७, बुधबार
December 2, 2020, Wednesday

हराएको मोबाइलमा भेटियो बाँदरको सेल्फी


काठमाडौं । बाँदर मान्छेको पुर्खा हो भन्ने त सुनिएकै हो । बाँदरका धेरै आनीबानीहरु मान्छेसँग मिल्छन् भन्ने वन्यजन्तुविदहरुको भनाइ छ । बाँदरले पनि मान्छेकै जस्तो हर्कत गर्दछ भन्ने तथ्यलाई हालै एउटा बाँदरले मलेसियामा पुष्टि गरेको छ ।

मलेसियामा एकजना व्यक्तिले आफ्नो हराएर फेला परेको मोबाइलमा बाँदरको सेल्फी तथा भिडियो रहेको दाबी ग्रेका छन् ।

२० वर्षका ज्याक्रिड्स रोडजीका अनुसार रातमा सुतेको समयमा उनको स्मार्टफोन हराएको थियो ।

सुतेकै ठाउँबाट मोबाइल कसरी हरायो ? भन्ने उनलाई पनि अचम्म लागेको थियो र त्यो एउटा चमत्कार नै भएको ठानिरहेका थिए ।

उनको मोबाइल हराएकै दिन उनका बुवाले घरको बाहिर एउटा बाँदर बसेको देखेका थिए । जसका कारण बाँदरले नै मोबाइल चोरी गरेको हुनसक्ने आशंका रोडजीका परिवारले गरे ।

हराएको मोबाइल खोज्न भन्दै रोडजी र उनका परिवारका सदस्यहरु एकाबिहानै जंगलतर्फ लागे । जंगलमा उनीहरुले हराएको मोबाइलको नम्बरमा फोन डायल गरिरहे ।

त्यही बीचमा एउटा रुखको मुनि दलदलमा फोनको घण्टी बजेको आवाज सुनियो । त्यहाँ केहीबेर खोजविन गरेपनि हराएको उक्त मोबाइल फेला पर्यो ।

रोडजीले जब आफ्नो फोन फेला पारे त्यसपछि त्यसलाई खोले । मोबाइलभित्र उनले बाँदरका विभिन्न तस्वीर तथा सेल्फीहरु देखे । तीमध्ये एउटा फोटोमा बाँदरले फोनलाई खाइरहेको पनि देखिन्थ्यो ।

उनले बाँदरले खिचेका ती तस्वीरहरुको एक भिडियो बनाएर ट्वीटरमा अपलोड गरे । जसमा बाँदरका विभिन्न खाले तस्वीरहरु तथा सेल्फी समेत देख्न सकिन्छ । उनले ट्वीटरमा अपलोड गरेको भिडियो झण्डै ३ लाखले हेरिसकेका छन् भने ६ हजारले रिट्वीट गरेका छन् ।

Related News

सुदूरपश्चिम प्रदेशको बजेट खर्च र राजस्व संकलन बढ्यो
सुदूरपश्चिम प्रदेशको बजेट खर्च र राजस्व संकलन बढ्यो
  • २०७७ आश्विन २

कैलाली- चालू आर्थिक वर्षको प्रथम चौमासिक अवधिमा सुदूरपश्चिम प्रदेश सरकारको बजेट खर्च गत आवको सोही अवधिको भन्दा बढेको छ ।...

सुदूरपश्चिम प्रदेशका मुख्यमन्त्रीको कोरोना ‘विर्साउने’ सभा
सुदूरपश्चिम प्रदेशका मुख्यमन्त्रीको कोरोना ‘विर्साउने’ सभा
  • २०७७ आश्विन २

डोटी– खुल्ला चौरमा भीमकाय ‘टेन्ट’ गाँडेर आकर्षक मञ्च तयार पारिएको छ । जहाँ आलिसान सोफा, रोष्टम, टेबल र कुर्सीहरुको प्रबन्ध...

केआईसिंह गाउँपालिकामा अस्पताल निर्माण गर्न ९ रोपनी जग्गा दान
केआईसिंह गाउँपालिकामा अस्पताल निर्माण गर्न ९ रोपनी जग्गा दान
  • २०७७ आश्विन २

डोटीः डोटीमा अस्पताल निर्माण गर्न स्थानीयले जग्गा दान गरेका छन्।  जिल्लाको के.आई.सिंह गाउँपालिका वडा नम्बर ४ मा १० शैयाको अस्पताल निर्माणका...

TOP