२०८० चैत्र १६, शुक्रबार
March 29, 2024, Friday

डोटीका ४२ जनामा कोरोना संक्रमण : कुन स्थानीय तहका कति ?

डोटी-बुधबार डोटीका थप पाँच जनामा कोरोना संक्रमण पुष्टि भएको छ । धनगढीस्थित प्रयोगशालामा गरिएको परीक्षणका क्रममा उनिहरुमा कोरोना संक्रमण पुष्टि भएको हो ।

दिपायल सिलगढी नगरपालिका वडा नं. ९ का २०, २७, ३२, ४६ र ४८ बर्षिय पुरुषमा कोरोना संक्रमण पुष्टि भएको स्वास्थ्य कार्यालय डोटीले जनाएको छ । उनिहरुको स्वास्थ्य अवस्था सामान्य रहेको र पाँचै जना नगरपालिकाको आइसोलेसनमा रहेको स्वास्थ्य कार्यालयका प्रमुख रमेश मलासीले बताए ।

यो संगै डोटीमा संक्रमितको संख्या ४२ पुगेको छ । संक्रमित ४२ जना मध्य ४ जना जिल्ला बाहिर कैलालीमा रहेका छन् भने ३८ जना जिल्ला भित्रै रहेका छन् ।

सबै भन्दा बढी शिखर नगरपालिकाका १८ जना, दिपायल लिगढी नगरपालिकाका ७ जना, पूर्वीचौकी गाउँपालिकाका ६ जना, सायल गाउँपालिकाका ३ जना, आदर्श गाउँपालिकाका २ जना र जोरायल गाउँपालिकाका २ जना गरि ३८ जनामा कोरोना संक्रमण पुष्टि भएको छ । त्यस्तै केआइसिंह गाउँपालिका ठेगाना भएका ४ जनामा पनि कोरोना संक्रमण पुष्टि भएको थियो । उनिहरु कैलाली स्थित गौरीगंगा नगरपालिकामा रहेका छन् ।

डोटीमा रहेका ३८ जना संक्रमित मध्य सायल गाउँपालिकाका एक जना र दिपायल सिलगढी नगरपालिकाका दुई जना जिल्ला अस्पतालको आइसोलेसनमा छन् भने ३५ जना संक्रमित सम्बन्धित स्थानीयतहमा छन् । संक्रमित सबैको स्वास्थ्य अवस्था सामान्य रहेको स्वास्थ्य कार्यालयले जनाएको छ ।

Related News

एसईई आजदेखि,१० हजार ८६ विद्यालयका ५ लाख विद्यार्थी सहभागी हुँदै
एसईई आजदेखि,१० हजार ८६ विद्यालयका ५ लाख विद्यार्थी सहभागी हुँदै
  • २०७७ असार ३

काठमाडौं – यस वर्षको माध्यमिक शिक्षा परीक्षा (एसईई)आजबाट सुरु हुँदैछ।...

TOP