२०७९ श्रावण २९, आईतवार
August 14, 2022, Sunday

नेपालमा कोरोना संक्रमितको संख्या ५ हजार ७ सय ६० पुग्यो : एकै दिन थपिए ४२५ जना संक्रमित

नेपालमा कोरोना भाइरसका ४२५ जना संक्रमित थपिएका छन्।

देशका विभिन्न प्रयोगशालामा पछिल्लो २४ घण्टामा भएको पीसीआर परीक्षणमा ३७५ जना पुरुष र ५० जना महिला संक्रमित थपिएका हुन्। योसँगै कोरोना भाइरसबाट संक्रमित हुनेको संख्या ५ हजार ७६० पुगेको छ।

यीमध्ये १९ जनाको मृत्यु भएको छ भने ९७४ जना संक्रमणमुक्त भएका छन्।

हालसम्म देशभर पीसीआर विधिबाट १ लाख ३३ हजार ३७७ जना र आरडीटी विधिबाट २ लाख १० हजार ७२९ जनाको कोरोना परीक्षण भएको छ।

आजको दिनमा देशभरका क्वारेन्टिनमा १ लाख ४३ हजार ६४१ जना र आइसोलेसनमा ४ हजार ७६७ जना छन्।

हालसम्म देशका ७३ जिल्लामा कोरोना संक्रमण फैलिसकेको छ।

अब चार जिल्ला ओखलढुंगा, रसुवा, मनाङ र मुस्ताङमा मात्र कोरोना संक्रमण देखिएको छैन।

Related News

अपाङ्ग अधिकार मञ्च नेपालको अध्यक्षमा शारदा विष्ट
अपाङ्ग अधिकार मञ्च नेपालको अध्यक्षमा शारदा विष्ट
  • २०७७ जेष्ठ ३२

दिपायल – अपाङ्गका सवालमा काम गर्दै आइरहेको संस्था अपाङ्ग अधिकार...

TOP