२०७८ असार ८, मंगलवार
June 22, 2021, Tuesday

कार्यकक्षमा डोटीका शिक्षा अधिकारी मदिराले लट्ठ !

प्रकाश बम
डोटी फागुन ३०: जिल्ला शिक्षा विकास तथा समन्वय इकाई डोटीका प्रमुख रामदत्त जोशी शुक्रबार कार्यकक्षमै मदिरामा लट्ठीएको अवस्थामा भेटिएका छन्् । कार्यालय समयमा सेवाग्राही कार्यकक्ष पुग्दा उनी मदिराले लठ्ठीएको अवस्थामा थिए । जसको भिडियो ईरैवारले आफै कार्यकक्ष पुगेर संकलन गरेको छ ।


शुक्रबार दिउँसो १२ः३० बजेको समयमा एसइई परीक्षा तयारीका बारेमा रिपोर्टिङ्ग गर्न हामी त्यहाँ पुग्दा उनी बोल्न नसक्ने अवस्थामा थिए ।
‘आफ्नो खाने बानी परेको’ स्विकार्दै उनले आज(शुक्रबार) भने नखाएको बताउदै ‘बिहीबार साझा भर्जिन खाएको’ भन्दै टारेका थिए । यद्यपी उनी मदिराले लठ्ठीएको अवस्थामा थिए । हामीले संकलन गरेको भिडियोमा कार्यकक्षको आफ्नो कुर्चीबाट सोफामा सर्दा समेत धर्मराएको सहजै देख्न सकिन्छ । शुक्रबार उनी मात्र नभएर कार्यालय सहयोगी समेत मदिरा सेवन गरेको अवस्थामा कार्यालय समयमा भेटिएका थिए ।


कार्यालयमा दिनहुँजसो प्रमुख लगायतका कर्मचारी मदिरा सेवन गरेर आउने गरेको सेवाग्राहीहरुले दुखेसो पोखेका छन् । ‘यस्तो त यहाँ दिनहुँ हुन्छ,’ परिचय नखोल्ने शर्तमा एक सेवाग्राहीले भने,‘कैयौ पटक त दुव्र्यवहारै गरेर पठाईदिन्छन् ।’


कार्यलय समयमा मदिरा सेवन गरेर आउने गरेको जानकारी पटक–पटक आउने गरेको डोटीका प्रमुख जिल्ला अधिकारी टेकनारायण पौडेल स्विकारे । ‘मौखिक स्पष्टिकरण सोध्दा अबदेखी नखाने भन्नुहुन्थ्यो,’ उनले भने । जोशीलाई तत्काल छानविन गरेर कार्बाही अघि बढाउन जिल्ला प्रहरी कार्यालय डोटीलाई निर्देशन गरिएको उनले बताए ।


जिल्ला प्रहरी कार्यालय डोटीको टोली जादा ढोका बन्द गरेर कोठा बसेका जोशीलाई पछि नियन्त्रणमा लिएर स्वास्थ्य परीक्षण भईरहेको प्रहरीले जनाएको छ ।

Related News

२१ मन्त्री जिम्मेवारीमुक्त गर्न सर्वोच्चको आदेश
२१ मन्त्री जिम्मेवारीमुक्त गर्न सर्वोच्चको आदेश
  • २०७६ चैत्र २

काठमाडौं– सर्वोच्च अदालतले मन्त्रिपरिषद् विस्तारको निर्णय तत्काल कार्यान्वयन नगर्न अन्तरिम आदेश गरेको छ। योसँगै २१ जना मन्त्री जिम्मेवारीमुक्त भएका छन्। ...

सेती नदीमा देखिएको शव निकाल्न नसक्दा पुनः बेपत्ता
सेती नदीमा देखिएको शव निकाल्न नसक्दा पुनः बेपत्ता
  • २०७६ चैत्र २

डोटी – डोटीस्थित सेती नदीमा देखिएको शव निकाल्न नसक्दा पुनः बगेर बेपत्ता भएको छ । आइतबार दिउँसो शिखर नगरपालिका–६ अणिउलस्थित...

सरकारी कार्यालय खोल्ने गरेर कैलालीमा एक हप्ताका लागि लकडाउन थप्ने तयारी
सरकारी कार्यालय खोल्ने गरेर कैलालीमा एक हप्ताका लागि लकडाउन थप्ने तयारी
  • २०७६ चैत्र २

धनगढी- कैलाली जिल्लामा जारी निषेधाज्ञा पुनः १ हप्ताका लागि थपिने तयारी गरिएको छ। कैलालीका प्रमुख जिल्ला अधिकारी खगेन्द्र रिजालले अझै पनि...

TOP