२०७८ बैशाख २४, शुक्रबार
May 7, 2021, Friday

क्वारेण्टाइनबाट बाहिर निस्केका दुई जना घाईते : एकको अवस्था गम्भिर

डोटी- क्वारेण्टाइनबाट बाहिर निस्केर घुम्न निस्किएका दुई जना घाइते भएका छन् । सायल गाउँपालिका वडा नं. ६ मा रहेको महाकाली माविमा स्थापित क्वारेण्टाइनमा बसेका सोही ठाउँका गणेश कट्वाल र शिखर नगरपालिका २ खतेडाका रमेश बहादुर बोगटी घाइते अवस्थामा फेला परेका हुन् ।
गाउँपालिकाले स्थापना गरेको क्वारेण्टाइनबाट पाँच जना शुक्रबार बाहिर निस्किएका थिए । क्वारेण्टाइनबाट निस्किएर आदर्श गाउँपालिकाको मौवा बजार सम्म पुगेर फर्किने क्रममा दुई जनालाई स्थानियले घाइते अवस्थामा फेला परेका थिए ।

स्थानियका अनुसार घाइते दुई जना मध्य स्थानिय कट्वाल सडकमा र शिखर नगरपालिकाका बोगटी सडक भन्दा तल भिरमा घाइते अवस्थामा भेटिएका थिए । घाइते बोगटीको टिसर्ट र चप्पल रगत लागेको अवस्थामा सडकमै भेटिएको छ । घाइते बोगटीको अवस्था गम्भिर रहेको स्थानिय व्यापारी डिल बहादुर रोकायाले शिखर समाचारलाई जानकारी दिए ।

दिपायलबाट गाउँपालिका फर्किदै गर्दा बाटोमा घाइते भेटेपछि वडा नं. ५ का वडाअध्यक्ष गणेश बोगटीको पहलमा घाइते दुबै जनालाई उपचारका लागि दिपायल पठाइएको छ ।

घटनाको प्रकृती हेर्दा आपसमा झगडा भएको हुनसक्ने स्थानियले बताएका छन् । जिल्ला प्रहरी कार्यालयले घटनामा दुई जना घाइते भएको खबर प्राप्त भएको जनाएको छ । घटना के कती कारणले भएको हो भन्ने जानकारी प्राप्त नभैसकेको र घटना स्थलमा प्रहरी पठाएको जिल्ला प्रहरी कार्यालयका इन्सपेक्टर कर्ण बोहराले जानकारी दिए ।

Related News

सुदूरपश्चिममा कोरोना सङ्क्रमितको उपचार तथा व्यवस्थापन असहज
सुदूरपश्चिममा कोरोना सङ्क्रमितको उपचार तथा व्यवस्थापन असहज
  • २०७७ श्रावण ९

मुलुक यतिबेला कोरोना भाइरस महामारीको चपेटामा छ। सुदूरपश्चिम प्रदेश पनि यो रोगको महामारीवाट अछुतो छैन। प्रदेशका तराइका कैलाली र कञ्चनपुरमा...

डोटीका २३ सहित सुदूरपश्चिमका ७८५ जनामा कोरोना पुष्टि : ६४ जनाले कोरोना जिते
  • २०७७ श्रावण ९

डोटी- पछिल्लो २४ घण्टामा दुवै विधिबाट गरेर कूल १८३२ नमूना परीक्षण गर्दा ७८५ जनाको रिपोर्ट पोजेटिभ आएको सुदूरपश्चिम स्वास्थ्य निर्देशनालय...

सुदुरपश्चिम प्रदेश प्रमुख  यादबद्धारा पदभार ग्रहण
सुदुरपश्चिम प्रदेश प्रमुख यादबद्धारा पदभार ग्रहण
  • २०७७ श्रावण ९

धनगढी- नवनियुक्त सुदूरपश्चिम प्रदेशका प्रदेश प्रमुख गंगाप्रसाद यादवले शुक्रवार पदभार ग्रहण गरेका छन् । धनगढी आएको लगत्तै प्रदेश प्रमुख यादवले...

TOP