२०७८ जेष्ठ ५, बुधबार
May 19, 2021, Wednesday

समुदायमा कोरोना : धनगढी उपमहानगरपालिकाका ७५ जना स्थानीयमा संक्रमित

धनगढी – सुदूरपश्चिम प्रदेशको राजधानी धनगढीमा मात्र स्थानीय संक्रमितको संख्या ७५ पुगेको छ।

राजधानी रहेको धनगढी उपमहानगरपालिकामा हरेक दिन स्थानीय संक्रमितको संख्या बढ्दै गएको छ।

पछिल्ला केही दिन यताको संक्रमितको दर र अवस्था हेर्दा कोरोना संक्रमण समुदायस्तरमै फैलिन थालेको उपमहानगरपालिकाको ठहर छ।

धनगढी उपमहानगरपालिकाका मेयर नृप वडले पछिल्लो समय उपमहानगर क्षेत्रमा स्थानीय संक्रमितको संख्या बढ्दै गएकाले समुदाय स्तरमा परीक्षणको तयारी गरेको बताए ।

उनले भने–‘हामीले समुदाय स्तरमा परीक्षणको तयारी गरेका छौँ, स्थानीयले पनि सतेतना अपनाउन जरुरी छ।’

धनगढी उप–महानगरपालिकाको स्वास्थ्य शाखाका जनस्वास्थ्य निरीक्षक लक्ष्मीराज उपाध्यायले भने– ‘धनगढीमा समुदायमा कोरोना संक्रमण फैलिँदै गएको छ । हामी टेस्टिङ र कन्ट्रयाक्ट ट्रेसिङमा जोड दिन्छौँ ।’

उनका अनुसार प्रदेशमै पहिलो पटक गत चैत १४ गते धनगढीमा कोरोना संक्रमण देखिएको थियो । धनगढीमा सोमबार सम्म दुई सय ४३ जनामा संक्रमण पुष्टि भएको छ।

उनीहरु मध्ये ७५ जना ट्राभल हिस्ट्री नभएका संक्रमित रहेको स्वास्थ्य शाखाका जनस्वास्थ्य निरीक्षक उपाध्यायले बताए ।

जनस्वास्थ्य निरीक्षक उपाध्यायका अनुसार ट्राभल हिस्ट्री नभएका एक संक्रमितको मृत्यु भइसकेको छ।

सोमबार मात्र १३ जनामा कोरोना संक्रमण पुष्टि भएकोमा कसैको पनि ट्राभल हिस्ट्री देखिएको छैन् । प्रादेशिक अस्पतालका अनुसार सबैभन्दा बढी धनगढी उप–महानगरपालिका वडा नम्वर ५ का चार महिला र पाँच पुरुष गरी नौँ जनामा संक्रमण पुष्टि भएको थियो।

उनीहरुमध्ये ८ जना यसअघि कोरोना संक्रमण पुष्टि भएका सेती अस्पतालका एम्बुलेन्स चालकको सम्पर्कमा आएका थिए ।

ट्राभल हिस्ट्री नभएका संक्रमितमा स्थानीय व्यापारी, शिक्षक, स्वास्थ्यकर्मी, प्रहरी, बैँक तथा वित्तिय संस्थाका कर्मचारी, सरसफाईकर्मी, कानुन व्यवसायी र केही सर्वसाधारण रहेको स्वास्थ्य शाखाले जनाएको छ ।

Related News

भारतलाई तहसनहस बनाएको कोभिडको नयाँ भेरियन्ट नेपालमा पनि फैलिएको पुष्टि
भारतलाई तहसनहस बनाएको कोभिडको नयाँ भेरियन्ट नेपालमा पनि फैलिएको पुष्टि
  • २०७७ भाद्र १६

काठमाडौं- नेपालमा ‘भारतीय भेरियन्ट’को कोरोना भाइरस फैलिएको पुष्टि भएको छ । भारतलाई तहसनहस बनाएको भेरियन्ट नै नेपालमा फैलिएको पुष्टि हुनु...

८,२०३ संक्रमित थपिए, १९६ जनाको मृत्यु
८,२०३ संक्रमित थपिए, १९६ जनाको मृत्यु
  • २०७७ भाद्र १६

काठमाडौं- कोरोना भाइरस संक्रमणबाट पछिल्लो २४ घण्टामा १९६ जनाको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या...

मंगलबार डोटीका थप ६८ जनामा कोरोना पुष्टि
मंगलबार डोटीका थप ६८ जनामा कोरोना पुष्टि
  • २०७७ भाद्र १६

डोटी- मंगलबारको परीक्षणमा डोटीका थप ६८ जनामा कोरोना संक्रमण पुष्टि भएको छ । जिल्ला अस्पतालको प्रयोगशालामा आरटिपिसिआर परीक्षण गर्दा ५१...

TOP