२०७९ मंसिर २३, शुक्रबार
December 9, 2022, Friday

सुदूरपश्चिमका थप दुई जना कोरोना संक्रमितको मृत्यु : मृत्यु हुनेको संख्या चार पुग्यो

धनगढी– शनिबार कोरोना संक्रमण पुष्टि भएका कैलालीको गोदावरी नगरपालिका वडा नम्वर ४ का ४६ बर्षीय संक्रमित पुरूषको सेती प्रादेशिक अस्पतालमा मृत्यु भएको छ।

स्वास्थ्य अवस्था बिग्रिएपछि सेती प्रादेशिक अस्पतालको आईसियूमा राखेर उपचार गराइरहेका उनको बुधबार साँझ मृत्यु भएको हो। यसैगरी कैलालीकी एक महिलामा मृत्युपछि कोरोना पुष्टि भएको छ।

काेहलपुर मेडिकल कलेजमा उपचारत कैलालीको लम्की चुहा नगरपालिका वडा नम्वर २ की ४३ बर्षीया महिलामा मृत्युपछि कोरोना पुष्टि भएको हो।

टाउकोमा चोट लागेकी उनलाई ३१ गते नेपालगंज मेडिकल कलेज कोहलपुर लगिएकोमा मंगलवार राती मृत्यु भएको थियो। उनको मृत्युपछि बुधबार मात्र कोरोना परीक्षण गर्दा संक्रमण पुष्टि भएको भएको जिल्ला प्रशासन कार्यालय बाँकेका सूचना अधिकारी दीर्घराज उपाध्यायले बताए।

यो सँगै सुदूरपश्चिममा कोरोनाका कारण मृत्यु हुनेको संख्या चार पुगेको छ। यसअघि कैलालीको धनगढी उपमहानगरपालिका वडा नम्बर ४ की ५५ बर्षीया महिला र वाजुराको वुढीगंगा नगरपालिकाको दुई बर्षीया वालिकको मृत्यु भएको थियो।

Related News

सुदूरपश्चिमको प्रदेशसभामा छ दलको प्रतिनिधित्व
सुदूरपश्चिमको प्रदेशसभामा छ दलको प्रतिनिधित्व
  • २०७७ असार ३

कैैलाली – सुदूरपश्चिमको प्रदेशसभामा दोस्रो कार्यकालका लागि विभिन्न छ राजनीतिक...

TOP