आज (मंगलबार) नेपालमा कोरोना भाइरसका ३२३ जना संक्रमित थपिएका छन्।
स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा भएको परीक्षणमा ३२३ जनामा कोरोना पुष्टि भएको हो। यीमध्ये २९२ जना पुरुष र ३१ जना महिला छन्।
योसँगै कोरोना संक्रमितको कुल संख्या ४ हजार ८५ पुगेको छ। यीमध्ये २८७ जना महिला छन् भने बाँकी पुरुष। हालसम्म १५ जनाको मृत्यु भएको छ भने ५८४ जना संक्रमणमुक्त भएका छन्।
हालसम्म देशभर पीसीआर विधिबाट १ लाख ६ हजार ३३१ जनाको कोरोना परीक्षण भएको छ भने आरडीटी विधिबाट १ लाख ६६ हजार १५८ जनाको परीक्षण भएको छ।
आजको दिनमा देशभरका क्वारेन्टिनमा १ लाख ६५ हजार ७७५ जना छन्। त्यसैगरी विभिन्न अस्पतालका आइसोलेसनमा ३ हजार ४८७ जना छन्।
हालसम्म ७२ जिल्लामा कोरोना संक्रमण फैलिएको छ।
दिपायल – अपाङ्गका सवालमा काम गर्दै आइरहेको संस्था अपाङ्ग अधिकार...