२०७८ बैशाख २३, बिहीबार
May 6, 2021, Thursday

डोटीको क्वारेण्टाइनमा एक जनाको मृत्यु : पिसिआर परिक्षणको तयारी

डोटी — डोटीको क्वारेण्टाइनमा बसेका एक युवकको मृत्यु भएको छ । जिल्लाको केआई सिंह गाउँपालिका वडा नं. ३ स्थित क्वारेन्टाइनमा १९ वर्षीय युवकको आइतबार बिहान मृत्यु भएको हो ।

वडा नं. ३ दल्लका ती युवकको आइतबार बिहान तीन बजे मृत्यु भएको गाउँपालिकाका स्वास्थ्य संयोजक तिलबहादुर बोहराले जानकारी दिए । उनी लामो समयदेखि मुटुको रोगी भएको बोहराले जानकारी दिए ।

भारतको दिल्लीबाट उनी जेठ २० गते आइपुगेपछि सिताराम आधारभूत विद्यालयमा बनाइएको क्वारेन्टाइनमा राखिएको थिए । ‘१२/१३ वर्षदेखि छोरा रोगी थियो, खेत बेचेरसमेत उपचार भारतका विभिन्न अस्पतालहरुमा गरेको थिएँ’, मृतकका बुवाले शिखर समाचारसँग भने, ‘क्वोन्टाइनमा छोरालाई बिसञ्चो भएपछि भेट्न ४ बजे पुगेँ, म पुग्नेबितिक्कै छोरो बेहोस भइ ढल्यो ।’

छोरा ढलेपछि स्याहार गर्न उनी आफै क्वारेन्टाइन बस्ने सर्तमा भित्र पसेका थिए । पहिले पनि यस्तै लक्षण देखिने गरेकाले आफूहरुले सामान्य नै होला भनेर स्वास्थ्यकर्मीलाई नबोलाएको उनले बताए । मृतकका बुवा बिहानैदेखि क्वारेन्टाइनमा बसेका छन् ।

मृतक युवाको स्वाब संकलन गरी पीसीआर परीक्षणको तयारी भइरहेको स्वास्थ्य संयोजक बोहराले जानकारी दिए ।


Related News

डोटीका थप ४६ जनामा कोरोना संक्रमण पुष्टि
डोटीका थप ४६ जनामा कोरोना संक्रमण पुष्टि
  • २०७७ जेष्ठ २५

डोटी- पछिल्लो २४ घण्टाको परीक्षणमा डोटीका थप ४६ जनामा कोरोना संक्रमण पुष्टि भएको छ ।

हामी त डुब्छौं, तिमीलाई पनि लिएर डुब्छौं : रामकुमारी झाँक्री
हामी त डुब्छौं, तिमीलाई पनि लिएर डुब्छौं : रामकुमारी झाँक्री
  • २०७७ जेष्ठ २५

नेकपा एमालेकी नेतृ रामकुमारी झाँक्रीले पार्टी अध्यक्ष केपी शर्मा ओलीलाई सत्ताबाट हटाएरै छाड्ने संकेत गरेकी छिन्। झाँक्रीले विम्वात्मक शैलीमा कडा...

देउवा भेट्न प्रधानमन्त्री ओली दलबलसहित बूढानीलकण्ठमा
देउवा भेट्न प्रधानमन्त्री ओली दलबलसहित बूढानीलकण्ठमा
  • २०७७ जेष्ठ २५

काठमाडौं– प्रधानमन्त्री केपी शर्मा ओली काँग्रेस सभापति शेरबहादुर देउवा भेट्न बूढानीलकण्ठ पुगेका छन् । एमाले समेत अध्यक्ष समेत रहेका ओली...

TOP