२०७८ असार ८, मंगलवार
June 22, 2021, Tuesday

कोरोना भाइरसको संक्रमण बढ्दा खेलकुद गतिविधि ठप्प

चीनको वुहान प्रान्तबाट शुरु भएको नोभल कोरोना भाइरस (कोभिड–१९) विश्वका १ सय ३ देशमा फैलिएको छ ।

Chelsea’s Marcos Alonso in action with Liverpool’s James Milner during the FA Cup Fifth Round match between Chelsea and Liverpool, on Stamford Bridge, in London, Britain, on March 3, 2020. Photo: Action Images via Reuters

विश्वमा कोरोनाको संक्रमण फैलिएसँगै नेपाल पनि यसबाट प्रभावित भएको छ । कोरोनाको संक्रमणबाट जोगिन विशेष सावधानी अपनाउन सरकारले पनि खबरदारी गरिरहेको छ ।

मानिसको जमघट हुने कार्यक्रमहरु, सभा, सम्मेलन तथा अन्तर्राष्ट्रियस्तरका कार्यक्रम स्थगित भएका छन् । स्वास्थ्य तथा जनसंख्या मन्त्रालयले सूचना नै निकालेर ठूला कार्यक्रम आयोजना नगर्न निर्देशन नै दिएको छ ।

सरकारको निर्देशनले नेपाली खेलकुद क्षेत्रमा पनि असर परेसँगै अहिले धेरै गतिविधिहरु रोकिएका छन् ।

बुधबार युवा तथा खेलकुद मन्त्रालय र राष्ट्रिय खेलकुद परिषद् (राखेप) ले तत्कालका लागि हुने तय भएका खेलकुद प्रतियोगिता नगर्न भन्दै विज्ञप्ति जारी गरेसँगै खेल गतिविधि रोकिएका हुन् ।

फिफा विश्वकप २०२२ तथा एएफसी एसियन कप २०२३ को संयुक्त छनोटका खेल पनि तत्कालका लागि रोकिएका छन् । विश्वकप छनोट अन्तर्गत चाइनीज ताइपेइ र अस्ट्रेलियाबीचको खेल दशरथ रंगशालामा चैत १३ र १८ गते हुने तय भएको थियो ।

तर, कोरोनाको संक्रमण विश्वव्यापी रुपमा फैलिएपछि फिफाले एएफसीमार्फत् संघहरुलाई अहिल रोक्न प्रस्ताव गरेको थियो । त्यस्तै, सरकारले पनि यस्ता ठूला खेलमा धेरै मानिसहरुको उपस्थित रहने र त्यस्तो अवस्थामा कोरोना भाइरसको संकक्रमण देखिए असर गर्न सक्ने भन्दै तत्काल रोक्न निर्देशन दिएको छ ।

यता, अखिल नेपाल फुटबल संघ (एन्फा) ले फागुन १८ गतेदेखि शुरु भएको विश्वकप छनोटछको बन्द प्रशिक्षण रोक्ने निर्णय गरिसकेको छ ।

यता, कीर्तिपुरस्थित त्रिवि क्रिकेट मैदानमा चैत १ देखि १५ सम्म हुने तय भएको एभरेष्ट प्रिमियर लिग (ईपीएल) चैत ३ गतेदेखि हुने तय भएको राष्ट्रिय महिला लिग लगायतका ठूलो प्रतियोगिताहरु तत्कालका लागि रोकिएका छन् ।

अहिले भइरहेका राजधानीमा शहीद स्मारक बी डिभिजन लिग, पोखराको आहा रारा गोल्डकप भने चलिरहेका छन् । यस्तैमा बुटबलको तिलत्तोमा गोल्डकप यसअघि नै रोकिइसकेको छ ।

भलिबलमा भने यसअघि नै बंगलादेशमा हुने तय भएको एसियन भलिबल कन्फिडेरेस (एभीसी) भलिबल च्याम्पियनसिप स्थगन भइसकेको छ । बक्सिङका धेरैजसो प्रतियोगिताहरु रोकिएको छ । गणेशमान स्मृति बक्सिङ च्याम्पियनसिप यसअघि नै तत्कालका लागि रोकिइसकेको छ ।

यता, ओलम्पिक छनोटको बन्द प्रशिक्षणमा रहेको करातेको टोली भने नियमित अभ्यासमा रहने प्रशिक्षक दिपक श्रेष्ठले बताएका छन् । अहिले करातेका कुनै प्रतियोगिता नरहेको कारण अभ्यासमा धेरै मानिसहरुको हुलमुल नहुने भएकाले नियमित अभ्यास जारी नै रहने श्रेष्ठले बताए ।

नेपाली खेलकुदमा क्रिकेट र फुटबलको तालिका प्रायः व्यस्त हुन्छ । तर, कोरोना भाइरहसका कारण तालिका सार्नु पर्दा भविष्यमा गएर असर गर्ने एन्फा अध्यक्ष कर्मा छिरिङ शेर्पाले बताएका छन् ।

‘अहिले हामीले पनि सरकारको निर्णयमा साथ दिएका छौं । तर, यसले गर्दा फुटबलको तालिकामा असर गर्ने देखिएको छ,’ अध्यक्ष शेर्पाले भने, ‘तालिका अनुसार चलिरहेको खेल सबै रोक्नु पर्दा केही हदसम्म समस्या हुन्छ ।’

ईपीएल एमडी अमिर अख्तरले क्रिकेट भन्दा पनि सर्वसाधारणको स्वास्थ्य महत्वपूर्ण भएकाले खेल स्थगन गरेको यसअघि नै बताइसकेका छन् । ईपीएलमा विश्व चर्चित खेलाडीहरु काठमाडौं आउने निश्चित भइसकेको थियो । तर, कोरोना भाइरस विश्व व्यापी रुपमा फैलिरहँदा नेपालले सतकर्ता अपनाइरहेको छ ।

Related News

२१ मन्त्री जिम्मेवारीमुक्त गर्न सर्वोच्चको आदेश
२१ मन्त्री जिम्मेवारीमुक्त गर्न सर्वोच्चको आदेश
  • २०७६ फाल्गुन २५

काठमाडौं– सर्वोच्च अदालतले मन्त्रिपरिषद् विस्तारको निर्णय तत्काल कार्यान्वयन नगर्न अन्तरिम आदेश गरेको छ। योसँगै २१ जना मन्त्री जिम्मेवारीमुक्त भएका छन्। ...

सेती नदीमा देखिएको शव निकाल्न नसक्दा पुनः बेपत्ता
सेती नदीमा देखिएको शव निकाल्न नसक्दा पुनः बेपत्ता
  • २०७६ फाल्गुन २५

डोटी – डोटीस्थित सेती नदीमा देखिएको शव निकाल्न नसक्दा पुनः बगेर बेपत्ता भएको छ । आइतबार दिउँसो शिखर नगरपालिका–६ अणिउलस्थित...

सरकारी कार्यालय खोल्ने गरेर कैलालीमा एक हप्ताका लागि लकडाउन थप्ने तयारी
सरकारी कार्यालय खोल्ने गरेर कैलालीमा एक हप्ताका लागि लकडाउन थप्ने तयारी
  • २०७६ फाल्गुन २५

धनगढी- कैलाली जिल्लामा जारी निषेधाज्ञा पुनः १ हप्ताका लागि थपिने तयारी गरिएको छ। कैलालीका प्रमुख जिल्ला अधिकारी खगेन्द्र रिजालले अझै पनि...

TOP