२०७९ असार १७, शुक्रबार
July 1, 2022, Friday

नेपाल र चीनको सिमाना हिल्सामा सशस्त्रको बिओपी स्थापना

सिमकोट – नेपाल र चीनको सिमाना हिल्सामा सशस्त्र प्रहरी बलको एक टोली पुगेको छ । हिल्सामा सशस्त्र प्रहरी बलको बिओपी स्थापनाको बन्दोबस्ती गर्नका लागि चार हजार भन्दा अग्लो नारा लेक काटेर एक टोली हिल्सामा पुगेको हो ।

गत वर्ष नै निर्णय भएर पनि विभिन्न कारणले स्थापना गर्न नसकिएको नेपाल र चीनको सिमाना हिल्सामा बिओपी स्थापनाका लागि सशस्त्र प्रहरीको एक टोली हिल्सामा पुगेको छ ।

टोलीले आवश्यक पूर्वाधारदेखि सबै व्यवस्था गर्ने र त्यसपछि बिओपीको औपचारिक रुपमा कार्यालय स्थापना हुनेछ । सशस्त्र प्रहरी बल ४४ नम्बर गुल्मका सशस्त्र प्रहरी नायव उपरीक्षक मोहन बिष्टको नेतृत्वमा १७ जनाको टोली हिल्सा पुगेको हो ।

बिओपीका लागि सबै तयारी भएपछि औपाचारिक रुपमा कार्यालय स्थापना हुनेछ । सशस्त्र प्रहरीको प्रधान कार्यालयले हिल्सामा औपचारिक सीमा सुरक्षा चौकी चाँडै स्थापना हुने जनाएको छ । सशस्त्र प्रहरी निरीक्षकको नेतृत्वमा ३५ जनाको टोली हाललाई हिल्सामा बस्नेछ ।

टोलीले सीमा सुरक्षाका साथै सिमानामा हुने अन्य अपराधिक तथा दुई देश विरुद्ध हुने गतिविधिको पनि निगरानी राख्नेछ ।

यसअघि हिल्सामा सीमा सुरक्षा पोष्टका रुपमा नेपाल प्रहरीको टोलीले सुरक्षा दिँदै आएको थियो । हिमपात पछि चिसो बढ्दा सो टोली गत मंसीरमा नाम्खा गाउँपालिकाको मुचुमा सरेको थियो । टोली हालसम्म फर्केको छैन ।

Related News

सुदूरपश्चिम सरकारको बजेट विवाद : लगातार तेस्रो पटक प्रदेशसभा बैठक स्थगित
सुदूरपश्चिम सरकारको बजेट विवाद : लगातार तेस्रो पटक प्रदेशसभा बैठक स्थगित
  • २०७७ जेष्ठ १९

कैलाली- सुदूरपश्चिम प्रदेशसभा बैठक लगातार तेस्रोपटक स्थगित गरिएको छ ।...

TOP