२०८३ असार २६, शुक्रबार
July 10, 2026, Friday
शिखर समाचार
काठमाडौं । सरकारले कैलालीस्थित गेटा अस्पताललाई शहीद दशरथचन्द स्वास्थ्य विज्ञान विश्वविद्यालय को शिक्षण अस्पतालका रूपमा सञ्चालन गर्न स्वीकृति दिएको छ।
बुधबार बसेको मन्त्रिपरिषद् बैठकले गेटा अस्पताललाई शिक्षण अस्पतालका रूपमा सञ्चालन गर्ने निर्णय गरेको हो। यस निर्णयसँगै सुदूरपश्चिम प्रदेशमा स्वास्थ्य शिक्षा र विशेषज्ञ स्वास्थ्य सेवाको विस्तारमा महत्वपूर्ण आधार तयार भएको सरकारको अपेक्षा छ।
सरकारले बैठकबाट ‘विदेशी शैक्षिक कार्यक्रम सञ्चालन तथा नियमन नियमावली, २०२६’, ‘शैक्षिक परामर्श, भाषा शिक्षण तथा तयारी कक्षा सञ्चालन तथा व्यवस्थापन नियमावली, २०२६’ र ‘कारागार नियमावली, २०२६’ लाई पनि स्वीकृति दिएको छ।
त्यसैगरी, मन्त्रिपरिषद्ले मानव अधिकारसम्बन्धी छैटौं राष्ट्रिय कार्ययोजना तथा भ्रष्टाचारविरुद्धको दोस्रो रणनीतिक योजना समेत अनुमोदन गरेको छ।
बैठकले काठमाडौं उपत्यका विकास प्राधिकरण को विकास आयुक्तमा सूरज शाक्य लाई नियुक्त गर्ने निर्णय पनि गरेको छ।
यस्तै, मन्त्रिपरिषद्ले प्रशासनिक क्षेत्रमा समेत महत्वपूर्ण निर्णय गर्दै गोविन्दबहादुर कार्की लाई नेपाल सरकारको मुख्यसचिव नियुक्त गरेको छ। कार्की यसअघि प्रधानमन्त्री तथा मन्त्रिपरिषद्को कार्यालयमा सचिवका रूपमा कार्यरत थिए।
सरकारका प्रवक्ता तथा शिक्षा, युवा तथा खेलकुद मन्त्री सस्मित पोखरेल का अनुसार मन्त्रिपरिषद् बैठकले विभिन्न नीतिगत, प्रशासनिक तथा संस्थागत निर्णयहरू पारित गरेको हो।
शैक्षिक परामर्श संस्थामा कडाइ, २५ लाख धरौटीदेखि नगदरहित कारोबारसम्म नयाँ...
