डोटीमा चट्याङ लागेर एक जनाको मृत्यु, सात जना घाइते

दिपायल, चैत्र २८ गते । डोटीमा चट्याङ लागेर एक जनाको मृत्यु भएको छ भने सात जना घाइते भएका छन् । जिल्लाको सायल गाउँपालिका-६ दल्लेखस्थित स्थानीय लहरी नागरीको घरमा बुधबार राति चट्याङ परेको थियो ।

चट्याङ लागेर नागरीकी ३३ वर्षीया श्रीमती कमला नागरीकको मृत्यु भएको हो । सोही चट्याङमा परेर मृतक कमलाका ४ सन्तान घाइते भएका छन् । जिल्ला प्रहरी कार्यालय डोटीका प्रहरी उपरीक्षक विनोद शर्माका अनुसार नागरीकी  १० वर्षीया छोरी तारा नागरी, ८ वर्षीय छोरा अविशेक नागरी, ६ वर्षीय छोरा अबि नागरी र ३ महिनाका छोरा शंकर नागरी घाइते भएका हुन् ।

 

 त्यस्तै सोही ठाउँका ४० वर्षीया महिला तारा नागरी, ८० वर्षीया काली दमाई र ६ वर्षीय बालक खुशी नागरी घाइते भएका छन् ।

 

घाइतेलाई उपचारका लागि जिल्ला अस्पताल डोटी पठाइएको  एसपी शर्माले बताए ।