समाचार प्रभाव : सायल गाउँपालिकाले राहत फिर्ता मागेका एकल महिलालाई काँग्रेस नेताको सहयोग

डोटी : सायल गाउँपालिकाले राहत फिर्ता मागेका एकल महिलालाई काँग्रेस नेताले सहयोग गरेका छन् । नेपाली काँग्रेस डोटीका युवा नेता ललित बलायरले राहत फिर्ता गरिएका दुइ जना एकल महिलालाई खाद्यान्न खरिदका लागि प्रति व्यक्ति दुईहजार रुपैयाँ पठाएका छन् ।

राहत फिर्ता गरिएको बिषय शिखर समाचार लगायतका मिडियाहरुमा प्रकासन भएपछि उनिहरुलाई सहयोग गरेको नेता बलायरले बताए । उनले शिखर समाचार संगको कुराकानीमा भने,‘गाउँपालिकाले त्यसरी दिएको राहत फिर्ता गर्नु नहुने हो । यो बिषयले साह्रै पिडा महशुस भएको छ । अहिलेलाई पिडित एकल महिलाका लागि खाद्यान्न खरिद गर्न प्रति व्यक्ति दुई–दुई हजारका दरले पठाएको छु । आवस्यक परे अन्य निकाय संग पनि सहकार्य गरेर सहयोग गर्ने छौं ।’

गाउँपालिकाले वडा नं. २ ओखट्टेकी ३० वर्षिया कृष्णादेवी ओझा र हरिनादेवी ओझाबाट राहत फिर्ता लिएको थियो ।

यो पनि पढ्नुस्

सायल गाउँपालिकाले एकल महिलालाई दिएको राहत फिर्ता लियो