२०८० चैत्र १६, शुक्रबार
March 29, 2024, Friday

डोटीमा अटोरिक्सा दुर्घटना हुँदा एक जनाको मृत्यु, ४ घाइते


डोटी – डोटीमा अटो रिक्सा दुर्घटना हुँदा एक जनाको निधन भएको छ भने ४ जना घाइते भएका छन् ।

जिल्लाको शिखर नगरपालिका – ८ तिलताली नजिक अटो दुर्घटना भएको हो । ७ जना सवारी बोकेर शिखर नगरपालिका – १० बानेडुग्रीसैन बाट दिपायल आउँदै गरेको अटो मंगलबार राति ८ बजे तिर दुर्घटना भएको हो ।

घाइते चार जना मध्य दुई जना लाई जिल्लामा उपचार हुन नसकेपछि अन्यत्र रिफर गरिएको छ भने दुई जनाको दिपायल स्थित शैलेश्वरी अस्पतालमा उपचार भइरहेको छ । अटोमा सवार दुई जना भने सकुसल छन् ।

जिल्ला प्रहरी कार्यालय दिपायलका अनुसार शिखर नगरपालिका – ३ का ५३ वर्षीय पदम जोराको घटनास्थल मै निधन भएको हो ।

घाइते हुनेमा शिखर नगरपालिका -३ का १८ वर्षीय अर्जुन पार्की, सोही वडाका अटो चालक ४१ वर्षीय दिपक जाेरा, ४० वर्षीय जीत जोरा र सोही ठाउँका १७ वर्षीय नरेश पार्की रहेको प्रहरीले जनाएको छ ।

Related News

एसईई आजदेखि,१० हजार ८६ विद्यालयका ५ लाख विद्यार्थी सहभागी हुँदै
एसईई आजदेखि,१० हजार ८६ विद्यालयका ५ लाख विद्यार्थी सहभागी हुँदै
  • २०७७ पुष २९

काठमाडौं – यस वर्षको माध्यमिक शिक्षा परीक्षा (एसईई)आजबाट सुरु हुँदैछ।...

TOP