२०७९ जेष्ठ ४, बुधबार
May 18, 2022, Wednesday

पूर्वसभामुख महराकी श्रीमतीको कोरोनाबाट मृत्यु

काठमाडौं- पूर्वसभामुख कृष्णबहादुर महराकी श्रीमती सीता महराको कोरोना भाइरसको संक्रमणबाट मृत्यु भएको छ । 

स्वासप्रश्वासमा समस्या देखिनुका साथै निमोनिया भएपछि महरा पत्नी सीतालाई  दाङस्थित गोर्खा अस्पतालबाट हेलिकोप्टरबाट काठमाडौं ल्याइएको थियो । नर्भिक अस्पतालको भेन्टिलेटरमा उपचारत उनको आज बिहान मृत्यु भएको हाे । 

दसैं मनाउन पुख्र्यौंली घर रोल्पा मेबाङ गएको बेला स्वास्थ्यमा समस्या देखिएपछि उनलाई कार्तिक १३ गते दाङस्थित गोर्खा अस्पतालमा भर्ना गरिएको थियो। 

निमोनिया र स्वासप्रश्वासको समस्या देखिएपछि कार्तिक १४ गते शुक्रबार हेलिकोप्टरबाट काठमाडौं ल्याई नर्भिक हस्पिटलमा भर्ना गरिएको थियो। 

नर्भिक हस्पिटलमा पीसीआर टेष्ट गर्दा कोरोना पोजेटिभ देखिएको महराका प्रेस संयोजक डिल्ली मल्लले जानकारी दिए ।  १५ गतेदेखि भेन्टिलेटरमा राखेर उपचार गर्ने क्रममै बुधबार (आज) बिहान ६ः२५ बजे मृत्यु भएको अस्पतालले पुष्टि गरेको छ।

सीता महरा माइस्थेनिया नामक रोगबाट विगत १० वर्षदेखि पीडित थिइन् । 

वि.सं. २०१८ साउन १३ गते रोल्पाको गजुल धौलेगाउँमा जन्मिएकी सीताको २०३५ सालमा कृष्णबहादुर महरासँग विवाह भएको थियो। उनका दुई छोरा र दुई छोरी छन्।

Related News

डडेल्धुराका सातवटै पालिकाको अन्तिम परिणाम, एमाले शुन्य
डडेल्धुराका सातवटै पालिकाको अन्तिम परिणाम, एमाले शुन्य
  • २०७७ कार्तिक १९

डडेल्धुरा- अमरगढी नगरपालिकाको प्रमुख र उपप्रमुखमा नेपाली का‌ग्रेस विजयी भएको...

TOP