२०७८ श्रावण १७, आईतवार
August 1, 2021, Sunday

डडेल्धुरा सदरमुकाम अनिश्चितकालका लागि सील

डडेल्धुरा- कोरोनाको जोखिम बढेपछि डडेल्धुराको जिल्ला सदरमुकाम समेत रहेको अमरगढी नगरपालिका सिल गरिएको छ । शुक्रबार दिउँसो ३ बजेदेखि लागू हुने गरी अमरगढी नगरपालिका अनिश्चिकालका लागि सिल गरिएको हो ।

डडेल्धुराको गन्यापधुरा नगरपालिका सिल गरिएको दोश्रो दिन अमरगढी नगरपालिका पनि सिल गरिएको हो । कोरोना संक्रमितको संख्या बढ्दै गएपछि गन्यापधुरा गाउँपालिकाले बिहीबारदेख एक साताका लागि नगरपालिका सिल गरेको थियो ।

अमरगढी नगरपालिकामा ४ जना मात्रै कोरोना संक्रमित पत्ता लागेको सील गरि हाल्नु पर्ने अवस्था नभए पनि नजीकका पालिकाहरुमा बढेकेो संक्रमणले प्रभाव पार्न सक्ने भएकोले सिल गरिएको मेयर बिशेश्वर प्रसाद ओझाले बताए ।

आफ्नो नगरपालिकामा संक्रमित थोरै संख्यामा पत्ता लागे पनि अन्य स्थानीय तहमा क्वारेन्टिइनबाट घर पठाइएका शंकास्पद संक्रमितहरु बजार घुम्न थालेपछि जोखिम बढेको मेयर ओझाले बताए ।

मेयर ओझाले प्रमुख बजारहरु बागबजार, तुफानडाँडा, किर्तिपुर, स्याउले, भात्काँडा, पोखरा सबै सील गरिएको जानकारी दिए ।

अमरगढी नगरपालिकासंगै जोडिएको गन्यापधुरा गाउँपालिकाले ५६ जनामा संक्रमण रहेको पत्ता लागेपछि शुक्रबार बिहान ११ बजेदेखि गाउँपालिका सील गरेको थियो ।

गन्यापधुरा गाउँपालिकाले एक हप्ताका लागि गाउँपालिका सील गरेको छ । अमरगढी नगरपालिकाले अनिश्चितकालका लागि सील गर्ने निर्णय गरेको मेयर आयोझाले जानकारी दिए । सुदूरपश्चिम प्रदेशका सबै पहाडी जिल्ला जोड्ने राजमार्ग डडेल्धुरा भएरै नै जाने गर्छन् । बजार सील गरेपछि अन्य जिल्लामा हुने आवागमनलाई असर नपार्न अमरगढी नगरपालिका क्षेत्र भरी गाडी रोक्न नपाउने गरी सञ्चालन हुन दिइने उनले बताए ।

Related News

प्रेम आलेसहित ओली समूहका सांसदले दिए देउवालाई विश्वासको मत
प्रेम आलेसहित ओली समूहका सांसदले दिए देउवालाई विश्वासको मत
  • २०७७ असार ६

काठमाडौं : नेकपा (एमाले) अध्यक्ष केपी ओली समूहका केही सांसदले कांग्रेस सभापति एवम् प्रधानमन्त्री शेरबहादुर देउवालाई विश्वासको मत दिएका छन्...

प्रधानमन्त्री देउवाले पाए विश्वासको मत, पक्षमा १६५ विपक्षमा ८३
प्रधानमन्त्री देउवाले पाए विश्वासको मत, पक्षमा १६५ विपक्षमा ८३
  • २०७७ असार ६

काठमाडौं– प्रधानमन्त्री शेरबहादुर देउवाले संसद्मा विश्वासको मत पाएका छन्। प्रतिनिधिसभाको आइतबार बसेको दोस्रो बैठकमा देउवाले संसदमा रहेका कुल सांसद संख्याको १६५ मत...

प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
  • २०७७ असार ६

काठमाडौं– जनता समाजवादी पार्टी (जसपां) नेपालका अध्यक्ष महन्थ ठाकुर पक्षले पनि विश्वासको मत दिने भएपछि प्रधानमन्त्री शेरबहादुर देउवाले विश्वासको मत...

TOP