नारायणी एफएमका ५ जना सञ्चारकर्मीमा कोरोना संक्रमण

पर्सा– वीरगन्जको सामुदायिक रेडियो नारायणी एफएमका ५ जना सञ्चारकर्मीसहित पर्सामा एकैदिन १२० जना संक्रमित थपिएका छन्। संक्रमित हुनेमा ८८ जना पुरुष र ३२ महिला छन्।

नारायणी अस्पतालको पीसीआर ल्याबका अनुसार वीरगन्ज महानगरपालिका वडा नम्बर २ छपकैयामा ७ जना, वडा नम्बर ३ को छपकैया बजार टोलमा ३ जना, वडा नम्बर ७ रामटोलमा २ जना, वडा नम्बर ८ पानीटंकी तथा गहवामा ७ जना, वडा नम्बर ९ रानीघाटमा ४ जना संक्रमित थपिएका छन्।

त्यसैगरी वडा नम्बर ११ श्रीपुरमा २ जना, मुर्ली–१२ मा ७ जना, राधेमाई र नयाँटोल वडा नम्बर १३ मा १० जना, वडा नम्बर १४ पिपरा र गण्डकमा १८ जना, वडा नम्बर १५ भिष्वामा ३ जना, नगवा १६ मा १२ जना, हरपतगन्ज वडा नम्बर २० मा ४ जना, वडा नम्बर २६ सुगौलीमा ६ जनामा संक्रमण पुष्टि भएको छ।

जिल्लाको ग्रामीण भेगका गाउँपालिकाहरुमा भने विन्दवासनी गाउँपालिका वडा नम्बर ४ मा ९ जना र पर्सागढी नगरपालिका वडा नम्बर ८ मा ३ जना संक्रमित थपिएको नारायणी अस्पतालले जनाएको छ ।

आज संक्रमितमध्ये पर्सागढी नगरपालिका वडा नम्बर ४ विर्ता, ५ रेश्म कोठी, ६ मेनरोड, १० आदर्शनगर, २२ मनियारी, २४ रामगढवा, २९ वसडिलवा, ३१ बेलवा र जिराभवानी गाउँपालिका वडा नम्बर १, जगरनाथपुर गाउँपालिका ४, विन्धवासनी गाउँपालिका वडा नम्बर ३ र बहुदरमाई नगरपालिकामा एक–एक जना रहेको अस्पतालका चिकित्सक डा. निरज सिंहले जानकारी दिए।

नारायणी अस्प्ताल ल्याबका अनुसार अन्य जिल्लाका ३७ जनासमेत संक्रमित थपिएका छन्।