२०७८ आश्विन ९, शनिबार
September 25, 2021, Saturday

डोटीका ८४५ कोरोना संक्रमितमध्य ७३७ जना डिस्चार्ज : कुन पालिकाका कति ? विवरण सहित

डोटी- डोटीमा कोरोना संक्रमितको संख्या आठ सय ४५ पुगेको छ । स्वास्थ्य कार्यालयका अनुसार संक्रमितमध्य सात सय ३७ जना डिस्चार्ज भएका छन् भने एक सय ८ जना आइसोलेसनमा रहेकाछन् ।

जिल्लामा जेठ १९ गते पहिलो पटक शिखर नगरालिकाका एक पुरुषमा कोरोना संक्रमित पुष्टि भएको थियो ।

स्वास्थ्य कार्यालय डोटीका अनुसार सबैभन्दा बढी शिखर नगरपालिकाका दुई सय ५१ जनामा कोरोना संक्रमण पुष्टि भएको छ भने सबैभन्दा कम बडिकेदार गाउँपालिकाका १३ जनामा कोरोना संक्रमण पुष्टि भएको छ ।

आदर्श गाउँपालिकामा संक्रमितको संख्या एक सय ९० पुगेको छ । हालसम्म पूर्वीचौकी गाउँपालिकाका एक सय ४८ जना, दिपायल सिलगढी नगरपालिकाका एक सय एक जनामा संक्रमण पुष्टि भएको छ ।

त्यस्तै सायल गाउँपालिकाका ७४ जना, जोरायल गाउँपालिका २६ जना, बोगटान फुड्सिल गाउँपालिकाका २६ र केआईसिंह गाउँपालिकाका १६ जनामा कोरोना पुष्टि भैसकेको छ ।

कुन पालिकाका कती संक्रमित डिस्चार्ज

शिखर नगरपालिकाका दुई सय ५१ जना संक्रमित मध्य एक सय ९३ जना डिस्चार्ज भएका छन् भने ५८ जना क्वारेण्टाइन तथा आइसोलेसनमा रहेका छन् । आदर्श गाउँपालिकाका एक सय ९० जनामध्य एक सय ७२ डिस्चार्ज भएका छन् भने बाँकी १८ जना आइसोलेसनमा रहेका छन् । पूर्वीचौकी गाउँपालिकाका संक्रमित एक सय ४८ जना सबै डिस्चार्ज भएका छन् ।

दिपायल सिलगढी नगरपालिकाका एक सय एक जना संक्रमितमध्य ८० जना संक्रमित डिस्चार्ज भएका छन् भने २१ जना आइसोलेसनमा रहेका छन् । त्यस्तै सायल गाउँपालिकाका ७४ जना संक्रमितमध्य ७२ जना संक्रमित डिस्चार्ज भएका छन् भने दुई जना आइसोलेसनमा छन् । जोरायल गाउँपालिका २६ संक्रमितमध्य २० जना संक्रमित डिस्चार्ज हुनुका साथै ६ जना आइसोलेसनमा छन् । बोगटान फुड्सिल गाउँपालिकाका सबै २६ संक्रमित डिस्चार्ज भैसकेका छन् ।

केआईसिंह गाउँपालिकाका १६ जना संक्रमित मध्य १३ जना डिस्चार्ज भएका छन् भने बाँकी ३ जना आइसोलेसनमा रहेकाछन् । बडिकेदार गाउँपालिकाका १३ जना सबै संक्रमित डिस्चार्ज भएका छन् ।

Related News

समाज कल्याण परिषदका पदाधिकारीले दिए सामूहिक राजीनामा
समाज कल्याण परिषदका पदाधिकारीले दिए सामूहिक राजीनामा
  • २०७७ भाद्र ६

काठमाडौं – सरकार परिवर्तन भएसँगै समाज कल्याण परिषद्का पदाधिकारी पनि बाहिरिएका छन् । तत्कालिन समयमा केपी शर्मा ओली नेतृत्वको सरकारले...

चितवनबाट बादलले भने, ‘अबको चुनाव प्रचण्ड भर्सेस बादल हुन्छ’
चितवनबाट बादलले भने, ‘अबको चुनाव प्रचण्ड भर्सेस बादल हुन्छ’
  • २०७७ भाद्र ६

काठमाडौँ – नेकपा एमालेका स्थायी कमिटी सदस्य एवम् पूर्वगृहमन्त्री रामबहादुर थापा‘बादल’ले आफू प्रचण्डसँग चुनाव लड्न तयार भएको बताएका छन् । आज...

एमालेको केन्द्रीय कमिटी बैठक सुरु, विधान महाधिवेशनबारे छलफल
एमालेको केन्द्रीय कमिटी बैठक सुरु, विधान महाधिवेशनबारे छलफल
  • २०७७ भाद्र ६

काठमाडौं । नेकपा एमालेको केन्द्रीय कमिटी बैठक सुरु भएको छ । बैठक च्यासलस्थित तुल्सीलाल स्मृति प्रतिष्ठानको भवनमा बसेको हो ।...

TOP