२०८१ असार १, शुक्रबार
June 14, 2024, Friday

सुदूरपश्चिममा आज मात्रै थपिए १९७ जना कोरोना संक्रमित


धनगढी-सुदूरपश्चिम प्रदेशमा आज थप १ सय ९७ जनामा कोरोना पुष्टि भएको छ।

स्वास्थ्य मन्त्रालयले नियमित पत्रकार सम्मेलन मार्फत दिएको जानकारी अनुसार बाजुरामा २८ महिला र ७० पुरुष गरि ९८ जना, डोटीमा १७ महिला र ५२ पुरुष गरि ६९ जना,कैलालीमा ८ महिला र २२ पुरुष गरि ३० जनामा कोरोना संक्रमण पुष्टि भएको हो।

आज देखिएका संक्रमितहरुमा त्रिभुवन शिक्षण अस्पताल महाराजगंजमा बाजुराका २० महिला र ४६ पुरुष, कर्णाली स्वास्थ्य बिज्ञान प्रतिष्ठानको प्रयोगशालामा बाजुराका ८ महिला २४ पुरुषमा कोरोना पुष्टि भएको मन्त्रालयले जनाएको छ।

यसैगरी मन्त्रालयका अनुसार आज नै सेती प्रादेशीक अस्पताल धनगढीको प्रयोगशालामा भएको परिक्षणमा कैलालीका ८ महिला र २१ पुरुष गरि २९ जना र डोटीका १७ महिला र ५२ पुरुष गरि ६९ जनामा कोरोना संक्रमण पुष्टि भएको छ।

साथै आज नै चितवन अस्पतालमा गरिएको परिक्षणमा कैलालीका १ जना पुरुषमा संक्रमण पुष्टि भएको मन्त्रालयले जानकारी दिएको छ ।

यो सँगै सुदूरपश्चिममा संक्रमितको संख्या दुई हजार चार सय ३५ पुगेको छ।

Related News

जोखिम मोलेरै भए पनि शैक्षिक सुधार गरिन्छः नगर प्रमुख बलायर
जोखिम मोलेरै भए पनि शैक्षिक सुधार गरिन्छः नगर प्रमुख बलायर
  • २०७७ असार १५

दिपायल– शिखर नगरपालिकाका नगर प्रमुख दिर्घबहादुर बलायरले नगरको शिक्षा सुधारका...

TOP