२०७९ श्रावण २९, आईतवार
August 14, 2022, Sunday

अन्त्येष्टि पछि कोरोना पुष्टि : पुरै वडा सिल, मलामीको कन्ट्याक्ट ट्रेसिङ

डायलाइसिस गर्ने क्रममा मृत्यु भएकी धनगढी उपमहानगरपालिका–४ की ५५ वर्षीया एक महिलाको अन्त्येष्टिपछि कोरोना पुष्टि भएपछि पुरै वडा सिल गरिएको छ । सेती प्रादेशिक अस्पतालको डायलाइसिस वार्डमा शुक्रबार बिहान मृत्यु भएकी ती महिलाको शब शनिबार धनगढीको मोहना नदीमा अन्त्येष्टि गरिएको थियो ।  अन्त्येष्टि पछि शनिवार दिउँसो रिपोर्ट पोजेटिभ आएपछि आफन्त र स्थानीय त्रसित बनेका छन् ।

 धनगढी  वडा नम्बर ४ का अध्यक्ष दिपक थापाले अन्त्यष्टिमा करिब ५० जना मलामी सहभागी रहेको बताए । अन्त्येष्टिमा सहभागी भएका सबै मलामीको कन्ट्याक्ट ट्रेसिङ गरिने भएको छ । त्यसका साथै वडा अध्यक्ष थापाले वडा सिल गर्न प्रशासनसंग आग्रह गरेका छन् ।

वडा अध्यक्षको आग्रहपछि अहिले बेलुका ८ बजेदेखि धनगढी उपमहानगरपालिका वडा नंम्बर ४ लाई सिल गरिएको कैलालीका प्रमुख जिल्ला अधिकारी यज्ञराज बोहोराले बताए । उनले भने– ‘खासगरी मृतकको घर आसपास र मलामी गएकाहरुको एरिया सिल गरिएको छ ।’

थ्रोट स्वाबको रिपोर्ट आउनु अघि नै अस्पतालले शुक्रबार नै शब आफन्तलाई बुझाएको थियो । शुक्रबार मध्याह्न शब बुझेका आफन्तले अटो रिक्सामा राखेर शब घरमा पु¥याएका थिए । शुक्रबार दिनभर पानी परेकाले शनिवार बिहान मात्र दाहसंस्कार गरिएको मृतकका आफन्तले बताए । शुक्रबार बिहान सेतीमा डायलाइसिस सुरु गरेको पाँच मिनेटमै महिलाको मृत्यु भएको थियो । बिराङ्गना हेल्थ केयरले सञ्चालन गरिरहेको डायलाइसिस वार्डका व्यवस्थापक दिपक भट्टका अनुसार डायलाइसिस सुरु गर्नु अघि आरडीटी जाँच गर्दा नेगेटिभ देखिएको थियो । महिलाको मृत्यु भइसकेपछि कोरोना जाँचका लागि थ्रोट स्वाबको नमुना संकलन गरिएको उनले बताए ।

Related News

अपाङ्ग अधिकार मञ्च नेपालको अध्यक्षमा शारदा विष्ट
अपाङ्ग अधिकार मञ्च नेपालको अध्यक्षमा शारदा विष्ट
  • २०७७ जेष्ठ २५

दिपायल – अपाङ्गका सवालमा काम गर्दै आइरहेको संस्था अपाङ्ग अधिकार...

TOP