डोटी– डोटीमा कोरोना संक्रमणको दर बढ्दै गएपछि प्रमुख जिल्ला अधिकारी नै स्वास्थ्य मापदण्डको पालना गराउँन सडक तथा बजारमा निस्किएका छन् । बिहीबार प्रमुख जिल्ला अधिकारी शंकर बहादुर विष्ट, शसस्त्र प्रहरी प्रमुख हर्क बहादुर विष्ट, प्रहरी प्रमुख दान बहादुर मल्ल लगायतको टोली ‘तपाईंको मास्क खोई’ अभियानमा सरिक भएको हो ।
टोलीमा पत्रकार महासंघ, गैर सरकारी संस्था महासंघ, डोटी उद्योग वाणिज्य संघ, सशस्त्र प्रहरी समेतको सहभागिता रहेको थियो । बास नेपालको आयोजनामा जिल्लाको प्रमुख व्यापारिक केन्द्र पिपल्ला बजारमा ‘तपाईंको मास्क खोई’ अभियान संचालन गरिएको हो ।
कार्यक्रम अन्तरगत माक्स बिना प्रबेश निषेध पोष्टर, सन्देश मुलक स्टीकर, फ्याक्स प्रिण्ट सार्वजनिक स्थान तथा सार्वजनिक गाडीमा टाँस गरिएको थियो । त्यस्तै मास्क प्रयोग नगर्ने व्यक्तिहरुलाई मास्क र अभियानमा सहभागिलाई मास्क खै लोगो वितरण गरिएको थियो ।
प्रमुख जिल्ला अधिकारी विष्टले बजार आउँदा, गाडी चढ्दा, सार्वजनिक स्थानमा जाँदा, व्यापार गर्दा अनिवार्य मास्क लगाउँनु पर्ने बताए । प्रमुख जिल्ला अधिकारी विष्टले मास्क प्रयोग नगरेका व्यक्तिहरुलाई तपाईंको मास्क खोई’ भनेर सोधेका छन् । बजारमा, सार्वजनिक यातायातमा भिडभाड नगर्न पनि बताए । पहिलो चोटीका लागि मास्क दिएर अनुरोध गरिएको बताउँदै उनले दोस्रो पटक मास्क नलगाएको भेटिएकाम कारबाही गरिने बताए ।
टोलीले बजार, बैंकहरु, पसलहरुमा समेत स्वास्थ्य मापदण्ड पालना भए नभएको अनुगमन गरेको थियो ।
दिपायल ५ जेठ- सरस्वती मावि रानागाउँमा एक दिने स्वास्थ्य शिविर...