सुनको मूल्य तोलाको १ लाख ३ हजार ५ सय रुपैयाँ कायम

काठमाडौं- करिब तीन सातादेखि लगातार बढिरहेको सुनको मूल्य आज पनि उकालो लागेको छ।

नेपाल सुनचाँदी व्यवसायी महासंघका अनुसार आज (शुक्रबार) छापावाल सुनको मूल्य प्रतितोला १ लाख ३ हजार ५ सय रुपैयाँ पुगेको छ। हिजोको तुलनामा यो मूल्य एक हजार रुपैयाँ बढी हो।

हिजो बिहीबार छापावाल सुनको मूल्य एक लाख दुई हजार ५०० रुपैयाँ तोकिएको थियो।

यस्तै, तेजाबी सुनको मूल्य प्रतितोला १ लाख ३ हजार पाँच सय रुपैयाँ कायम हुँदा चाँदी तोलाको १ हजार ४०५ रुपैयाँ तोकिएको सुनचाँदी व्यवसायी महासंघले जनाएको छ।

यही साउन ७ गतेयता सुनको मूल्यमा दिनहुँ रेकर्ड कायम भइरहेको छ। उक्त दिन छापावाल सुन तोलाको एक हजार ३०० सय रुपैयाँ बढेर ९४ हजार पुगेको थियो। त्यसयता आठ हजार ८०० रुपैयाँ बढिसकेको छ।