२०८३ असार २८, आईतवार
July 12, 2026, Sunday
शिखर समाचार
काठमाडौं – नेपालले यस वर्षको डिसेम्बरमा भारत ‘ए’ टोलीसँग तीन खेलको टी–२० अन्तर्राष्ट्रिय शृंखला आयोजना गर्ने भएको छ। शृंखलाका सबै खेल काठमाडौंस्थित टीयू अन्तर्राष्ट्रिय क्रिकेट मैदान, कीर्तिपुरमा हुनेछन्।
सार्वजनिक खेल तालिकाअनुसार पहिलो टी–२० खेल डिसेम्बर ९, दोस्रो खेल डिसेम्बर ११ र तेस्रो तथा अन्तिम खेल डिसेम्बर १३ मा हुनेछ।
भारत ‘ए’ जस्तो बलियो टोलीसँग घरेलु मैदानमा हुने यो शृंखलाले नेपाली राष्ट्रिय टोलीलाई अन्तर्राष्ट्रिय स्तरको प्रतिस्पर्धात्मक अनुभव दिलाउने अपेक्षा गरिएको छ। साथै, आगामी अन्तर्राष्ट्रिय प्रतियोगिताको तयारीका लागि पनि यो शृंखला महत्वपूर्ण मानिएको छ।
कीर्तिपुरस्थित टीयू अन्तर्राष्ट्रिय क्रिकेट मैदानमा हुने खेलले नेपाली क्रिकेट समर्थकमाझ ठूलो उत्साह थप्ने विश्वास गरिएको छ। नेपाल क्रिकेट संघ (क्यान) ले शृंखलासम्बन्धी थप विवरण र टिकट व्यवस्थापनबारे जानकारी आगामी दिनमा सार्वजनिक गर्ने अपेक्षा गरिएको छ।
धनगढीमा एकीकृत भान्साघर सञ्चालन, साउन १ देखि करिब ४ हजार...
