सुन न ए कोरोना…?
क्वारेन्टाइनमा वसेर अघाइ सकियो
लकडाउन असह्य भइ सक्यो
टाउको माथि आकास खसेझै
श्वास अवरुद्घ भयझै
उकुस मुकुस
अनि छट्पटी भैराछ

त्यसैले,
त्यसैले य कोरोना…!
अब क्वारेन्टाइनमा तिमि बस
लकडाउनमो सामना तिमी नै गर
तिमी जहाँ छौ त्यहि बाट बिलय होऊ
बिन्ति छ तिमिलाई
अब धेरै नसताउ

हो साच्चै,
हो साच्चै तिमी महान रहेछौ
सबैभन्दा बलवान रहेछौ
ठुलाठुला बणेमानहरुलाई,
निमेश भरमै धुलो चटायौ
महारथीहरुलाई घुँडा टेकायौ

कृपया,
कृपया बिन्ति छ मेरो
अव भने क्वारेन्टाइनमा बसिदेऊ

हामी निमुखाहरुलाई के थाहा ?
तिमि यति पहलमान छौ भनेर
बरु म, बरु म ट्रम्पलाई भन्नेछु
तिम्रा दुस्साहासि कासन रोकेर
रसायनिक कारखाना बन्द गर
पिङलाई भन्नेछु, ग्यास उत्सर्जन रोक
किमलाई भन्नेछु,
आणविक भट्टीमा ताला लगाऊ

मान कोरोना मान
कृपया एक पल्ट त मानिदेऊ
र क्वारेन्टाइनमा बसिदेऊ !!

हो हामिबाट भूल भयकै हो
प्रकृति माथि ज्यादती गरेकै हुन्
म वादा गर्छु, अब यस्तो हुने छैन्
धुर्तहरुलाई सचेत गराई सक्यौ
ऊनीहरुको असली औकात देखायौ

र अव
तिमी मान कोरोना
र मान्नै पर्छ

किनकी,
गरिवहरु भोकायका छन
मजदुरहरु रिसायका छन
जगत रोइ रहेछ

त्यसैले,
त्यसैले बिन्ति छ कोरोना
तिमी क्वारेन्टाइनमा बस
निमुखालाई गरिखान देउ
हो हामिललाई बाँच्न देउ

कृपया, कोरोना
क्वारेन्टाइनमा बसि देउ
मेरो ज्ञानी कोरोना
तिमि भनेको मान
क्वारेन्टाइनमा बस !!!