२०७७ माघ ५, सोमबार
January 18, 2021, Monday

धनगढी उप–महानगरपालिका आफै आइसोलेसन निर्माणमा जुट्यो

धनगढी- प्रदेशले स्थापना गरेको कोरोना अस्पतालमा संक्रमितको उपचार गर्न ठाउँ नभएपछि धनगढी उप–महानगरपालिकाले आफ्नै आईसोलेशन कक्षहरु निर्माणमा जुटेको छ ।

धनगढी उप–महानगरपालिका वडा नं १५ मा रहेको जडिबुटी प्रशोधन केन्द्रको भवनमा आईसोलेशन कक्ष तयार भैरहेको छ । धनगढी उप–महानगरपालिका क्षेत्रीय शहरी विकास आयोजना अन्तरगत निर्माण भएको खाली भवनमा अहिलेलाई झण्डै २८ शैयाको आईसोलेशन तयारीको चरणमा पुगेको छ । हामीले चिकित्सकहरु संग सल्लाह लिएका छौं धनगढी उप–महानगरपालिकाका प्रमुख नृपबहादुर वडले भने, बढीमा १ सय सैया सम्मको आइसोलेसन निर्माण गर्न सकिने राय चिकित्सकहरुले दिएका छन् ।

यस आईसोलेशन भवनमा धनगढी उप–महानगरपालिका भित्रका कोरोना संक्रमितहरुको मात्रै उपचार गरिने नगरप्रमुख वडले बताए । सेती प्रादेशीक अस्पताललाई प्रदेश सरकारले कोरोना अस्पतालको रुपमा तयार गरेपनि संक्रमितहरुको संख्या बढेकाले आईसोलेशनमा राख्नपर्ने बिरामीले पनि ठाउँ पाएका छैनन् नगरप्रमुख वडले भने, सबै स्थानीयतहले आफै आईसोलेशन कक्ष बनाउन सकेमा त्यहाँको चाप घट्न सक्छ ।

उप–महानगरपालिकाले तयार गर्न लागेको आईसोलेशनमा सैयाहरु मिलाउने, बिजुलीबत्ति र उपकरणहरु जडान गर्ने काम भैरहेको नगरप्रमुख वडले बताए । उनले भने, नगरका स्वास्थ्यकर्मी र प्राविधिक टिम रातदिन खटेर काम गरिरहेको छ ।

धनगढी उप–महानगरपालिका कोभिड उप–समितिका संयोजक नारायण बरालले एक दुई दिनमा नै संचालनमा ल्याउन सक्ने गरि आइसोलेसन कक्षहरु निर्माणको काम भैरहेको बताए । प्रदेश सरकारले सुरुमै गेटा मेडिकल कलेजलाई कोरोना अस्पतालको रुपमा तयारी गरेको भए अहिले अवश्यकता अनुसार आईसोलेशन कक्ष त्यही थप गर्न सकिन्थ्यो संयोजक बरालले भने, बिरामीको चाप भैरहने सेती प्रादेशीक अस्पताललाई कोरोना अस्पताल बनाउँदा संक्रमितहरुको उपचारमा समस्या भएको हो । गेटा मेडिकल कलेजमा ५ सय भन्दा बढी आइसोलेसन कक्ष बनाउन सक्ने ठाउँ छ बराले भने, त्यहाँ सुरुमै बनाएको भए प्रदेशभरी नै आइसोलेसनको समस्या हुने थिएन । अहिले स्थानीयतहरु समस्यामा रहेको उनले बताए ।

Related News

डोटीमा आयोजित खुल्ला भलिबल प्रतियोगिता सम्पन्न : एलवाइसि विजयी (भिडियो सहित)
डोटीमा आयोजित खुल्ला भलिबल प्रतियोगिता सम्पन्न : एलवाइसि विजयी (भिडियो सहित)
  • २०७७ असार ५

डोटी- डोटीमा आयोजित खुल्ला पुरुष भलिबल प्रतियोगिता सम्पन्न भएको छ । पुष २६ गते सुरु भएको उक्त प्रतियोगिता बिहीबार सम्पन्न...

सुदूरपश्चिममा मन्त्री बन्न हानथाप : मन्त्री नपाए ओली समुहमा जाने धम्कि
सुदूरपश्चिममा मन्त्री बन्न हानथाप : मन्त्री नपाए ओली समुहमा जाने धम्कि
  • २०७७ असार ५

कैलाली- सुदूरपश्चिम प्रदेशमा मन्त्री बन्नका लागि हानथाप हुनथालेको छ । प्रदेशमा रिक्त दुई मन्त्री पदमा नियुक्तिका लागि आकांक्षीहरु बढ्न थालेपछि...

डडेल्धुरामा संघीय सरकारका मन्त्रीद्वय लेखराज भट्ट र गणेश ठगुन्नालाई कालो झण्डा
डडेल्धुरामा संघीय सरकारका मन्त्रीद्वय लेखराज भट्ट र गणेश ठगुन्नालाई कालो झण्डा
  • २०७७ असार ५

डडेल्धुरामा संघीय सरकारका उद्योग वाणिज्य तथा आपर्ति मन्त्री लेखराज भट्ट र सामान्य प्रशासन मन्त्री गणेश ठगुन्नालाई कालो झण्डा देखाइएको छ।...

TOP