२०७९ जेष्ठ ११, बुधबार
May 25, 2022, Wednesday

वैज्ञानिक बन अनुगमनको सुझाव प्रतिबेदन सार्बजनिक

जमुना न्युरे

प्रेदेश सभा अर्थ बिकाश तथा प्राकृतिक श्रोत समितिले वैज्ञानिक बन ब्यबस्थापनको सुझाव प्रतिबेदन सार्वजनिक गरेको छ । वैज्ञानिक बन ब्यबस्थापनको प्रतिबेदन सार्बजनिक गर्न चौतर्फी आवाज उठेपछि अनुगमन गरेको एक साता पछी प्रतिबेदन सार्वजनिक गरेको हो ।

समितिका सभापती हर्क बहादुर कुवँर को नेतृत्वमा रहेको संसदीय समितिको टोलिले कैलाली र कंचनपुर मा रहेका विभिन्न सामुदायिक बनको अनुगमन गरेको थियो । समितिले कैलाली कंचनपुर जिल्लामा रहेका रानिफटा सामुदायिक बन बन्बेहेडा , जनजागृती सामुदायिक बन पहलमानपुर , सिङ्गकोट सामुदायिक बन फारम , सिताकुन्डा सामुदायिक बन गेडाखेडा ,दानुवाफाटां सामुदायिक बन रानिकुण्डा र चुरेको सिद्धबाँस घारी सामुदायिक बन लगायतका बनको अनुगमन गरेको थियो ।

नेपाल सरकारले पछिल्लो समयमा ल्याएको बैज्ञानिक बन ब्यबस्थापन ऐन २०७१ कार्यबिधि ल्याएर कैलाली जिल्लाका धेरै सामुदायिक बनहरु बैज्ञानिक बन ब्यबस्थापनमा लागेका छन् । वैज्ञानिक बन व्यवस्थापनमा बढिरहेको चुनौती माथी अनुगमन टोलिले विभिन्न सुझाव दियको छ ।

प्रतिवेदनमा विगत ७ बर्ष यता तराईका सालका घना जङ्गल र पहाडमा परिपक्व भैसकेका सललाका रुखभएका जंगल, हैसियत बिग्रेका, अन्य प्रजातिको जङ्गल भएका, बन क्षेत्रभित्रको खाली भागहरुमा लक्षित गरी दिगो योजना लागु गर्नु पर्ने उल्लेख छ । समितिले आगामी ८० बर्षको कार्ययोजना निर्माण गरेको छ । सामुदायिक बनहरु कार्ययोजना कार्यान्वयन गर्न लालायित भएका बेला उपभोक्ताहरूको साझा धारणा बनाउान र सो अनुरुप गर्न जरुरी रहेको सहभागीले बताए ।

सामुदायिक बनभित्र बर्षौदेखी रहेका ढलेपढेका, सुकेर खडा रहेका रुखहरु एकपटकका लागी निकाली समुदाय र प्रदेशका लागि आवस्यक काठको आपूर्ति गर्नु पर्ने समितिको सुझाव छ । साथै चुरेका सालघारीहरुमा बर्षौ पहिले चोरी तस्करी गर्नेहरुले काटेका सालका काठहरु असरल्ल अवस्थामा छरिएर कुहिने सड्ने अवस्थामा छन् ति काठहरुको संकलन र बिक्रि वितरणबाट समुदायका लागि काठ दाउरा पूर्ति र सरकारलाई राजस्व वृद्धि हुने भएकाले तिनको निकासिका लागि पनि पहल गर्ने भनिएको छ ।

बैज्ञानिक बन ब्यबस्थापन लागू भएका सामुदायिक बनहरुमा कटान भएका क्षेत्रमा पुर्नउत्पादनको अवस्था राम्रो भएकाले समुदायको आयआर्जन र आर्थिक अवस्थामा ुधार भएको कुरा समितिका सदस्यहरूको तर्क छ ।

वैज्ञानिक बन ब्यवस्थापनलाई थप ब्यबहारिक बनाउँदै सामुदायिक बनमा आधारित घरेलु उद्योग सम्बन्धि सीपमूलक तालिम सन्चालन गरी लगानी गर्नु जरुरी देखिएको अनुगम समितीका सदस्य पुर्णा जोशीले बताइन् । उनले बनबाट उत्पादित काठको बिक्रीवितरणबाट आर्जित रकमको पारदर्शिता र राजश्वको सवालमा समुदाय इमानदार हुनुपर्ने बताइन् ।

Related News

दिसिनपा–२ का वडाध्यक्षको पहिलो निर्णय : एम्बुलेन्स खरिद र सहज स्वास्थ्य सेवा
दिसिनपा–२ का वडाध्यक्षको पहिलो निर्णय : एम्बुलेन्स खरिद र सहज स्वास्थ्य सेवा
  • २०७६ चैत्र ११

दिपायल- दिपायल सिलगढी नगरपालिका वडा नं. २ का वडाध्यक्ष राजेन्द्र...

TOP