२०७८ श्रावण १४, बिहीबार
July 29, 2021, Thursday

विदेशी बुहारीलाई ७ वर्षपछि मात्रै अंगिकृत नागरिकता दिने नेकपाको निर्णय

काठमाडौं । सत्तारुढ नेपाल कम्युनिस्ट पार्टी (नेकपा)को सचिवालय बैठकले विदेशी बुहारीलाई ७ वर्षपछि मात्रै अंगिकृत नागरिकता दिने निर्णय गरेको छ ।

नागरिकता विधेयकबारे टुंगो लगाउन बसेको नेकपा सचिवालय बैठकले सात वर्षपछि मात्रै नागरिकता दिनुपर्ने निर्णय गरेको हो । बालुवाटारमा शनिबार बसेको बैठकले उक्त निर्णय गरेको सचिवालय सदस्यसमेत रहेका प्रवक्ता नारायणकाजी श्रेष्ठले जानकारी दिए।

विदेशी ज्वाइँलाई पनि अंगीकृत नागरिकता दिनुपर्ने नेकपा महिला सांसदहरुको माग अस्वीकृत भएको छ । सरकारले ल्याएको नागरिकता विधेयकसम्बन्धि प्रावधानमा दलहरुबीच सहमति बन्न सकेको छैन ।

नेकपा सात वर्षपछि मात्र नागरिकता दिने पक्षमा उभिँदा प्रमुख प्रतिपक्षी नेपाली कांग्रेस हालको संविधानको व्यवस्था परिवर्तन नहुने पक्षमा अडिग रहेको छ । मधेश केन्द्रित दल पनि संविधानको वर्तमान व्यवस्थाकै निरन्तरताको पक्षमा छ ।

दुई वर्षदेखि राज्य व्यवस्था तथा सुशासन समितिमा अड्किएको नागरिकता विधेयकको अधिकांश विषयमा सहमति भए पनि वैवाहिक अगीकृतबारे सहमति जुट्न सकेको छैन । पछिल्लो पटक समितिको तर्फबाट विदेशी बुहारीलाई ७ वर्षपछि मात्र नागरिकता दिने प्रस्ताव राखेपछि कांग्रेसले असहमति जनायो ।

विधेयकमा सहमति जुटाउन यसअघि विहीबार प्रधानमन्त्री केपी ओलीले कांग्रेसका नेताहरुसँग छलफल गरेका थिए । शुक्रवार ओली र अर्का अध्यक्ष पुष्पकमल दाहालले प्रतिनिधिसभाको राज्य व्यवस्था तथा सुशासन समितिमा पार्टीका तर्फबाट प्रतिनिधित्व गर्ने सदस्यहरुसँग छलफल गरेका थिए ।

पाँच दिनभित्र सहमति जुटाउन भन्दै सरकारले समितिसँग समय मागेको थियो । तर दलहरु आ–आफ्नै अडानमा रहेकाले अब संसदमा बहुमतबाट निर्णय हुने देखिएको छ ।

Related News

प्रेम आलेसहित ओली समूहका सांसदले दिए देउवालाई विश्वासको मत
प्रेम आलेसहित ओली समूहका सांसदले दिए देउवालाई विश्वासको मत
  • २०७७ असार ६

काठमाडौं : नेकपा (एमाले) अध्यक्ष केपी ओली समूहका केही सांसदले कांग्रेस सभापति एवम् प्रधानमन्त्री शेरबहादुर देउवालाई विश्वासको मत दिएका छन्...

प्रधानमन्त्री देउवाले पाए विश्वासको मत, पक्षमा १६५ विपक्षमा ८३
प्रधानमन्त्री देउवाले पाए विश्वासको मत, पक्षमा १६५ विपक्षमा ८३
  • २०७७ असार ६

काठमाडौं– प्रधानमन्त्री शेरबहादुर देउवाले संसद्मा विश्वासको मत पाएका छन्। प्रतिनिधिसभाको आइतबार बसेको दोस्रो बैठकमा देउवाले संसदमा रहेका कुल सांसद संख्याको १६५ मत...

प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
  • २०७७ असार ६

काठमाडौं– जनता समाजवादी पार्टी (जसपां) नेपालका अध्यक्ष महन्थ ठाकुर पक्षले पनि विश्वासको मत दिने भएपछि प्रधानमन्त्री शेरबहादुर देउवाले विश्वासको मत...

TOP