२०७७ माघ ३, शनिबार
January 16, 2021, Saturday

दिपायल सिलगढी नगरपालिकाको सिंगो दलित बस्ती काङ्ग्रेसमा प्रवेश

डोटीको जिल्ला सदरमूकामसंगै जोडिएको साविकको गाविस कलेना र साविककै बगलेग गाविसका केही क्षेत्र जोडेर हाल दिपायल सिलगढी नगरपालिका–९ वडा निर्माण गरिएको छ ।
बिगतको सदरमूकामसंगको सन्निकटताले पनि विकासले नछोएको यो क्षेत्र नगरपालिकामा गाँभ्दा थुप्रै सपनाहरु बाँडिए । सहरी क्षेत्रमाझैँ विकास निर्माण, गरिबीले थलिएका परिवारहरुको आयस्तर अभिवृद्धि लगायतका सपनाहरुले पुलंकित बनाईए । ‘तीनै सपनाहरुमा हामीले धमाधम एमाले(तत्कालिन नेकपा एमाले)लाई भोट दियौँ,’ कलेनाको गैरा गाउँका युवा नवराज विकले भने,‘एकवर्ष, दुईवर्र्ष हुँदै तीनवर्ष बिते । विकासको छेउटुप्पो देखिएन् ।’

यसरी निराश बनेका युवाहरु कम्यूनिष्ट पार्टीप्रति बिरक्तीएर धमाधम कांग्रेस प्रवेश गरिरहेका छन् । शुक्रबारमात्रै सोही वडाको गैराका ३६ जना दलित युवाहरु कांग्रेस प्रवेश गरे । ‘कांग्रेसका नेताहरु विगतमा कम्यूनिष्टको देखाउने दाँत अर्कै, खाने अर्कै हुन्छ भन्नुहुन्थ्यो । सत्य रहेछ,’ नवराज भन्छन्,‘यो देशको जग बसाउने, विकास गर्ने, समावेशी आवाज बोल्ने पार्टी कांग्रेस नै रहेछ । त्यसैले कांग्रेस प्रवेश गरेका हौ ।’

उनीहरुलाई शुक्रबार एक कार्यक्रमका बीचमा नेपाली कांग्रेस डोटी क्षेत्र नम्बर १ का सभापति विजय खड्काले सदस्यता वितरण गर्दै स्वागत गरे । ‘नेपाली कांग्रेसप्रतिको विश्वास जागृत भएर उहाँहरु प्रवेश गर्नुभयो,’ नेता खड्काले भने,‘कम्यूनिष्ट सरकारको परीक्षणपछि जनताहरु कांग्रेसप्रति नै बढी विश्वास गरिरहेका छन् । जसको हामी उच्च सम्मान गर्छौ ।’ कांग्रेसले बिगतमा पनि जनमतको कदर गरेको उनले बताए । ‘कांग्रेसले जनताले दिएको विश्वासको मतको कहिल्यै अवमूल्यन गरेन् । तर विभिन्न प्रोपगण्डाहरुका बलमा जनतालाई कांग्रेसबिरुद्ध गुमराहमा राख्ने कोशिस गरिएको थियो । त्यसबारे जनताहरु बल्ल बुझ्दैछन्,’ उनले भने ।

कांग्रेसप्रतिको विश्वास बढेपछि कलेनाका यूवाहरु आफै कांग्रेस नेतालाई बोलाएर प्रवेश गरिरहेको स्थानीय युवा नेता शेर साउँदले बताए । उनले भने, ‘यो देशको विगत र आगत दुबै कांगेस हो भन्नेमा जनता बुझ्दै गएका छन् । त्यसैले दलित युवाहरुले आफै बोलाउदा गाउँ गएर पार्टी प्रवेश कार्यक्रम चलाईएको हो ।’

केहीदिनअघि कलेनाकै ६१ जना युवाहरु कांग्रेस प्रवेश गरेका थिए ।

Related News

कांग्रेसले आज डोटीका ९ स्थानीय तहसहित देशभरका ७५३ स्थानीय तहहरुमा प्रदर्शन गर्दै
कांग्रेसले आज डोटीका ९ स्थानीय तहसहित देशभरका ७५३ स्थानीय तहहरुमा प्रदर्शन गर्दै
  • २०७७ भाद्र १३

डोटी । प्रमुख प्रतिपक्षी नेपाली कांग्रेस आज (शनिबार) प्रतिनिधिसभा विघटनविरुद्ध डोटी लगायत देशभर विरोध प्रदर्शन गर्दैछ । प्रतिनिधिसभा विघटनको असंवैधानिक...

डाँका, लुटेरा र अपराधीको हातमा देश : पूर्वमन्त्री बलायर
डाँका, लुटेरा र अपराधीको हातमा देश : पूर्वमन्त्री बलायर
  • २०७७ भाद्र १३

डोटी– पूर्वमन्त्री एवं नेपाली कांग्रेसका केन्द्रीय सदस्य वीरबहादुर बलायरले डाँका, लुटेरा र अपराधीको हातमा देश गएको बताएका छन् । नेपाली...

पूर्वमन्त्री बलायारलाई गृहजिल्लाका गाउँ–गाउँमा बाजागाजा सहित स्वागत र अभिनन्दन
पूर्वमन्त्री बलायारलाई गृहजिल्लाका गाउँ–गाउँमा बाजागाजा सहित स्वागत र अभिनन्दन
  • २०७७ भाद्र १३

डोटी- नेपाली कांग्रेसका केन्द्रीय सदस्य एवं पूर्वमन्त्री वीरबहादुर बलायर गृहजिल्लाको भ्रमणमा रहेकाछन् । यस क्रममा उनलाई जिल्लाका बिभिन्न गाउँहरुमा बाजागाजा...

TOP