२०७८ बैशाख ४, शनिबार
April 17, 2021, Saturday
दुर्घटना अपडेट

डोटी जीप दुर्घटना : एकै परिवारका तीनजना सहित चार जनाको मृत्यु : चार घाइते (पूर्ण विवरण)

डोटी जीप दुर्घटना : एकै परिवारका तीनजना सहित चार जनाको मृत्यु : चार घाइते

डोटीको बोगटान फुड्सिल गाउँपालिकामा जीप दुर्घटना हुँदा चारजनाको मृत्यू भएको छ । चारजना घाईते भएका छन् ।
दिपायलबाट बोगटान फुड्सिल गाउँपालिकाको केन्द्र खत्याडीका लागि हिडेको शैलेश्वरी यातायातको म १ च ५५० नम्बरको जीप बोगटान फुड्सिल गाउँपालिका–७ को बउखेल्ले भन्ने स्थानमा दुर्घटनामा परेको हो । दुर्घटना राती करिब ११ बजेतिरको हो ।

दुर्घटनामा परी तीनजनाको घटनास्थलमै र एकजनाको उपचारका लागि बाटोमा ल्याउदैगर्दा मृत्यु भएको हो ।
बोगटान फुड्सिल गाउँपालिका वडा नम्बर–७ मा कार्यरत वडासचिव बैतडीको सुर्नया गाउँपालिका – ६ की २७ वर्षिया मञ्जु त्रिपाठी अवस्थी, उहाँकी ६१ वर्षिया सासुआमा दम्बरी अवस्थी र ग्रामीण जलस्रोत परियोजनामा कार्यरत केआईसिँह गाउँपालिका–४ का ३३ वर्षीय हरिहर नारायण भट्टको घटनास्थलमै मृत्यु भएको जिल्ला प्रहरी कार्यालय डोटीका प्रहरी नायब उपरीक्षक ईन्द्रदेव मल्लले जानकारी दिए ।

मृतक वडासचिव त्रिपाठीका चार वर्षिय छोरा मुकुन्द अवस्थीको पनि उपचारका लागि ल्याउदैगर्दा बाटोमा मृत्यु भएको छ ।

घाईते हुनेहरुमा ग्लोबल आईएमई बैँकमा कार्यरत सुरक्षा गार्ड बोगटान फुड्सिल गाउँपालिका – ७ का ३६ वर्षीय टिकाराम गिरी, वर्ष २८ की उनकी श्रीमती खेमा गिरी, खत्याडी माध्यामिक विद्यालयका शिक्षक कञ्चनपुरको भीमदत्त नगरपालिका – १९ का २८ वर्षीय हेमन्त भट्ट र बोगटान फुड्सिल गाउँपालिका कै वडा नम्बर ६ का २६ वर्षीय चालक कैलाश बम रहेका छन् ।

दुर्घटनामा जीप बाटोबाट करिब दुईसय मिटर तल भीरमा खसेको घटनास्थलमा उद्धारमा खटिएका शेरबहादुर बमले जानकारी दिए ।

चालकसहित चारैजना घाईतेहरुको दिपायल स्थित शैलेश्वरी अस्पतालमा उपचार भइरहेको छ । घाइतेलाई उपचारका लागि अन्यन्त्र पठाउने तयारी भइरहेको छ । जीपमा चालकसहित आठजना सवार रहेको बुझिएको छ ।

घटना राति ११ बजे भएपनि रातको १ बजे मात्रै स्थानीयले जानकारी पाएपछि उद्दार भएको थियो ।

Related News

डेउडा प्रतिष्ठानको सल्लाहकार समिति चयन : संयोजकमा बलायर
डेउडा प्रतिष्ठानको सल्लाहकार समिति चयन : संयोजकमा बलायर
  • २०७७ मंसिर २१

कैलाली- डेउडा प्रतिष्ठानको सल्लाहकार समिति चयन गरिएको छ । सुदूरपश्चिम तथा कर्णाली प्रदेशको लोक संस्कृती, डेउडाको संरक्षण एबं सम्बद्र्धन गर्न...

नेपालमा फैलियो डबल म्युटेन्ट र  यूके भेरियन्ट कोरोना
नेपालमा फैलियो डबल म्युटेन्ट र यूके भेरियन्ट कोरोना
  • २०७७ मंसिर २१

काठमाडौं- नेपालमा कोरोना भाइरसको नयाँ भेरियन्ट (यूके भेरियन्ट) फैलिएको पुष्टि भएको छ। इपिडिमियोलोजी तथा रोग नियन्त्रण महाशाखाका निर्देशक कृष्णप्रसाद पौडेलका अनुसार...

केआइसिंहमा शुभकामना आदान प्रदान
केआइसिंहमा शुभकामना आदान प्रदान
  • २०७७ मंसिर २१

डोटी- केआइसिंह गाउँपालिकामा नयाँ वर्ष २०७८ एवं बिसौं पर्वको शुभकामना आदान प्रदान गरिएको छ । नेपाली कांग्रेस केआइसिंह गाउँपालिका वडा...

TOP