२०८१ बैशाख २, आईतवार
April 14, 2024, Sunday

रोजीरोटी खोसिएको भन्दै यातायात व्यवसायीको प्रदर्शन

काठमाडौँ – कोरोना भाइरसको महामारी नियन्त्रणका लागि सरकारले लगातार लकडाउन र त्यसपछि निषेधाज्ञा लागु गर्दा आफूहरुको रोजीरोटी नै खोसिएको भन्दै यातायात व्यवसायीले प्रदर्शन गरेका छन् ।

सार्वजनिक यातायात व्यवसायीहरुले मंगलबार यातायात व्यवस्था विभाग मिनभवन अगाडि प्रदर्शन गरेका हुन् ।

सार्वजनिक यातायात सेवा रोकिँदा आफूहरु मर्कामा परेको र विदेशबाट आएका नेपालीहरुलाई गन्तव्यसम्म पुर्‍याउने कार्यमा सामेल नगरिएको भन्दै उनीहरुले विरोध गरेका हुन् ।

विदेशबाट आएका नेपालीहरुलाई गन्तव्यसम्म आफूहरुले न्यूनतम भाडामा लैजान सक्ने भए पनि सरकारले ठग्ने नियत अनुसार सार्वजनिक यातायातलाई प्रयोग नगरेको आरोप उनीहरुले लगाएका छन् ।

आफूहरुले कोही पनि नठगिउन् भनेर सर्वसुलभ मूल्यमा सम्बन्धित प्रदेश र जिल्लाका सेन्टरहरुमा लैजान तयार रहेको जानकारीसहितको पत्र बुझाएको भए पनि त्यसमा यातायात व्यवस्था विभागले बेवास्ता गरेकाले आन्दोलित हुनु परेको यातायात व्यवसायीले बताएका छन् ।

Related News

सुदूरपश्चिममा नयाँ वर्षसँगै सिस्नु लगाएर ‘बिसु’ पर्व मनाइँदै
सुदूरपश्चिममा नयाँ वर्षसँगै सिस्नु लगाएर ‘बिसु’ पर्व मनाइँदै
  • २०७७ भाद्र २३

दिपायल – सुदूरपश्चिम प्रदेशमा आज नयाँ वर्षसँगै “बिसु पर्व” मनाइँदै...

TOP