२०७८ आश्विन ८, शुक्रबार
September 24, 2021, Friday

सुदूरपश्चिममा पीसीआर मेसिन पठाउने भन्दै मन्त्री भट्टले ठगे

धनगढी : जेठ २९ गते बिहिवार धनगढी विमानस्थलमा सञ्चारकर्मीसंग कुराकानी गर्दै उद्योग, वाणिज्य तथा आपू्र्तिमन्त्री लेखराज भट्टले शुक्रवार (३० गते) सम्म थप तीन वटा पीसीआर मेसिन सुदूरपश्चिम पठाउने बताए।

प्रदेशको कोरोनाको अवस्था र लघु, मध्यम र मझोला उद्योगको प्रवर्द्धनका लागि राष्ट्रिय योजना आयोगको टीम र युएनडीपीको टीमसँगै धनगढी पुगेका मन्त्री भट्टले शुक्रवारसम्म तीन वटा पीसीआर मेसिन पठाउने बताएका थिए।

शुक्रवार भन्नाले अबको एक हप्ताभित्र भन्न खोज्नुभएको ? भन्दै विमानस्थलमा बिहिवार सञ्चारकर्मीले गरेको प्रश्नमा मन्त्री भट्टले भनेका थिए, ‘होईन मैले यहि शुक्रवार भनेको। महाकाली र डडेल्धुराका लागि बजेट जुटिसकेको छ।’ तर अर्को शुक्रवार गएपनि मन्त्री भट्टले अहिलेसम्म पीसीआर मेसिन पठाएका छैनन्। 

यसबारेमा मन्त्री भट्टलाई बुझ्न खोज्दा उनले फोन उठाएनन् भने मन्त्री भट्टका स्वकीय सचिव हितेश ओझाको फोन लागेन्। स्वकीय सचिव ओझाले आईतवार दिनेश खवरसंग कुराकानी गर्दै मेसिन खरिद भईसकेको र कञ्चनपुर, डडेल्धुरा र अछाम जिल्लामा प्रयोगशाला स्थापना हुन नसक्दा पठाउन ढिलाई भएको बताएका थिए।

यता सुदूरपश्चिमको सामाजिक विकास मन्त्रालयले भने सो बारेमा कुनै जानकारी नभएको जनाएको छ। ‘मन्त्री भट्टले तीन वटा पीसीआर मेसिन पठाउछु भनेको कुरा हामीले पनि सञ्चारमाध्यमबाटै सुनेका हौँ,’ मन्त्रालयका एक कर्मचारीले भने, ‘तर सो बारेमा सामाजिक विकास मन्त्रालयलाई कुनै जानकारी नै छैन्।’dineshkhabar

Related News

डडेल्धुरामा रिले अनशन, पुनः वडा अधिवेशन गर्नूपर्ने माग
डडेल्धुरामा रिले अनशन, पुनः वडा अधिवेशन गर्नूपर्ने माग
  • २०७७ असार ६

डडेल्धुरा– नेपाली काँग्रेसका पार्टी सभापति शेरबहादुर देउवाको गृह जिल्ला डडेल्धुरामा पुनः वडा अधिवेशन गर्नूपर्ने माग गर्दै पार्टी कार्यालयमा रिले अनशन...

साइन नेपालद्वारा विद्यालय र स्वास्थ्य चौकीलाई स्वास्थ्य सामग्री वितरण
साइन नेपालद्वारा विद्यालय र स्वास्थ्य चौकीलाई स्वास्थ्य सामग्री वितरण
  • २०७७ असार ६

डोटी – मानवीय सेवामा अनेकौं प्रयास (SHIN, Nepal) धनगढीले स्वास्थ्य सामग्री वितरण गरेको छ । संस्थाद्वारा संचालित कोभिड – १९...

एमाले नेता रावत बेपत्ता
एमाले नेता रावत बेपत्ता
  • २०७७ असार ६

धनगढी: नेकपा एमाले अछामका जिल्ला कमिटी सदस्य धन बहादुर रावत बेपत्ता भएका छन्। असोज ४ गते रामारोशन गाउँपालिका -७ सुतारमा...

TOP